Скачать с ютуб Террорлық қауіптің «сары» деңгейі кезінде білу қажет ережелер в хорошем качестве

Террорлық қауіптің «сары» деңгейі кезінде білу қажет ережелер

Кешелі бері еліміз бойынша алдағы 40 күн бойы террорлық қауіптің «сары» деңгейі енгізілді. Көпшілік қауым бұл сөздің өзін алғашқы рет естіп отыр. Бүгін арнамыздың тілшілері бұл режим жайлы жан жақты материал жинап, ресми өкілдерден арнайы сұхбат алды. Сонымен қауіпсіздік аясында «сары», «қызыл» деңгей деген не? Елімізге ол енгізілген жағдайда тұрғындар не істеуі қажет? Эльвира Тағайқызы, тілші -Біз дәл қазір Астана қаласына кіреберістегі бақылау бекетінде тұрмыз. Бұл жермен тәулігіне 9000-нан астам көлік қалаға кіреді. Жай күндері тәртіп сақшылары кейбір жолаушыларды ғана тексерген болса, террорлық қауіптің «сары» деңгейінде олар әрбір екінші көлікті тексеруі тиіс. Бәрі де қауіпсіздік үшін. Әзірге ешбір жүргізуші оған қарсылық білдірген жоқ. Еліміз бойынша лаңкестік қауіптің «сары» деңгейі алғаш рет жарияланып отыр. Бұл көбіне ел тұрғындары үшін енгізіледі. Мақсат – әрбір азамат сақ болып, кез келген күдікті жағдайға назар аудару. Құзырлы орган қызметкерлері де күшейтілген тәртіпте жұмыс істейді. Мұндайда оларға түсіністік танытып, жұмысын атқаруға кедергі болмау қажет. Қауіп адам көп шоғырланатын жерлерден келеді. Ондайлар қатарына теміржол, әуежайлар жатады. Бүгінде Астана әуежайында бақылау еселенген. Марат Шыңғысов, «Халықаралық Астана әуежайы» АҚ Басқарма төрағасының орынбасары -Күніне әуежайға 3000 мыңға дейін адам кіріп-шығады. Дәл қазір оларды жіті тексеруден өткізудеміз. Білмейтіндер үшін қауіптің «сары» түсі кезінде неге назар аудару қажеттігін түсіндіретін мынадай парақшалар іліп қойдық. «Сары» түстен өзге террорлық қауіптің «қызғылт сары» түсі енгізіледі. Ондайда өзіңізбен бірге құжаттарыңызды алып жүру, адам көп шоғырланған жерге бармау, төтенше жағдай бола қалған кезде не істейтініңізді алдын ала жоспарлауды қаперге алған жөн. Ал кешелі бері Ақтөбедегі лаңкестік оқиғаларға орай қалада террорлық қауіптің «қызыл» деңгейі енгізілгені аян. Ондай кезде мейлінше көшеге шықпай, эвакуация бола қалған жағдайға дайын болу, тексерілмеген ақпаратты бермеуге және қауіпті аймақта жүрмеген абзал. Мамандар қандай жағдай болмасын ең бастысы дүрлігуге жол бермеуді ескертеді. Авторлары: Эльвира Тағайқызы, Галина Муленкова, Мейрамбек Ахмаханов