Скачать с ютуб ဂျူးသမိုင်း Iတမန်တော် အိဗ္ဗရာဟင် မှသည် အစ္စရာအိလ်နိုင်ငံတော်ထိI в хорошем качестве

ဂျူးသမိုင်း Iတမန်တော် အိဗ္ဗရာဟင် မှသည် အစ္စရာအိလ်နိုင်ငံတော်ထိI

ဓမ္မဟောင်းအညွှန်း၊ (Genesis 12:1-3)အရ၊ ဘီစီ(၂၀၀၀) ဝန်းကျင်မှာ တမန်တော် အိဗ္ဗရာဟင်ကို သူ့ကိုးကွယ်ရာဖန်ဆင်း ရှင်က သူ့တိုင်းပြည်ကနေ ကင်နန် သို့ထွက်ခွာသွားပြီး အဲ့ဒီမှာ မျိုးနွယ်စု အသစ်တစ်ခု တည်ထောင်ဖို့ အမိန့်ပေး တော်မူ ပါတယ်။ တမန်တော်အိဗ္ဗရာဟင်က အသက်(၇၅) နှစ်ရှိပါပြီ။ ဇနီးဖြစ်သူ ဆာရာ နဲ့ တူဖြစ်သူ လောဒ်(ကုရ်အာန်အညွှန်း လူဒ်) နဲ့အတူ ထွက်ခွာလာခဲ့ပါတယ်။ ရက်ပေါင်းများစွာတိုင် ခရီးရှည်ကြီးကို ခက်ခက်ခဲခဲ ခရီး နှင်လာပြီးနောက် ကင်နန် သို့ ရောက်လာပါတယ်။ ဒီနေရာဟာ သူနဲ့အတူ သူကဆင်းသက်လာကြတဲ့ အဆက်အနွယ်တွေအတွက် ကတိတော်ရ နယ် မြေဖြစ်ပါတယ်။ သို့သော် သူမရောက်ခင် ရှေးပဝေသဏီကတည်းက ကင်နန် မှာ အခြားမျိုးနွယ်စုတွေ အခြေချ နေထိုင်နေ ကြပါတယ်။ အဲ့ဒီမျိုးနွယ်စုတွေကို ယေဘုယျအားဖြင့် ကင်နန်နိုက် မျိုးနွယ်စု တွေလို့ ခေါ်ပါတယ်။ မျိုးနွယ်စုတစ်ခုချင်းစီရဲ့ အမည်တွေကို ဓမ္မဟောင်းကျမ်းထဲ ဖော်ပြထားပါတယ်။ အများဆုံး ဖော်ပြထားတဲ့ မျိုးနွယ်စုတွေက Hittites,(ဟစ်တိုက်)၊ Amorite(အင်မရိုက်)၊ Hivites(ဟိုက်ဗိုက်)၊ Jebusites(ဂျက်ဗျူဆိုက်)၊ Perizzites (ပရီဇိုက်) နဲ့ (Girgashites) ဂဲလ်ဂရှိုက်၊ တို့ ဖြစ်ကြပါတယ်။ ကျွန်တော်အသံထွက်က အင်္ဂလိပ်အသံထွက်ကို မြန်မာလို တိုက်ရိုက်ပြန်ဆိုအသံထွက်ထားတာ ဖြစ်ပါ တယ်။ ဓမ္မဟောင်းထဲ ဖော်ပြထားတဲ့ သတ်ပုံအတိုင်းထွက်ရင်တော့ ဒီလိုအသံမထွက်ပါ။ သူတို့တွေက အများအားဖြင့် စိုက်ပျိုးရေးသမားတွေ ဖြစ်ကြပါတယ်။ သို့သော် ကုန်သွယ်ရေး နဲ့ အခြားစီးပွားရေးလုပ်ငန်းတွေနဲ့ အသက်မွေးဝမ်း ကျောင်း လုပ်သူတွေလည်း ရှိပါတယ်။ ကင်နန် မျိုးနွယ်စုတွေက မျိုးနွယ်စုတစ်ခုနဲ့တစ်ခု ယဉ်ကျေးမှုအရ ခြားနားသလို ဘာသာစကား၊ ကိုးကွယ်ယုံကြည်မှုမှာလည်း ခြားနားမှုတွေ ရှိပါတယ်။ ဘုရားအများတို့ကို ကိုးကွယ်ယုံကြည်ကြတဲ့ ဗဟုဝါဒ လို့ ခေါ်နိုင်ပါတယ်။ ကျမ်းတော်မြတ်ကုရ်အာန်ကတော့ တမန်တော် အိဗ္ဗရာဟင် ပြောင်းရွှေ့အခြေချခဲ့တဲ့ နေရာကို ကင်နန် လို့အမည်နာမဖော်ပြပြီး တိတိကျကျ ရည်ညွှန်းတာမျိုး မရှိသလို ကတိတော်ရနယ်မြေ ဆိုတဲအသုံး အနှုန်းမျိုးဖော်ပြတာမျိုးလည်းမရှိပါ။ ဒီအစား (ဆီးရီးယား နဲ့ ပါလက်စတိုင်း ကို ရည်ညွှန်းပြီး) ကောင်းချီးမင်္ဂလာနဲ့ ပြည့် စုံတဲ့မြေ (Blessed Land) လို့ပဲ ဖော်ပြထားပါတယ်။ ကိုယ်တော်မြတ်ရဲ့ ဓလေ့တော်တွေနဲ့ အခြားကျမ်းဂန် အထောက် အထားတွေအရ တမန်တော် အိဗ္ဗရာဟင်က မက်ဆိုပိုတေးမီးယားမှာ မွေးဖွားခဲ့ပြီး၊ ဇနီးဖြစ်သူ ဆာရာသခင်မ နဲ့အတူ တူဖြစ်သူ တမန်တော် လူဒ် တို့နဲ့ ကင်နန် သို့ပြောင်းရွှေ့ အခြေချခဲ့တယ်လို့ ဖော်ပြထားပါတယ်။ ဒီထိ မွတ်စလင် နဲ့ ဂျူး တို့ ခြားနားချက်မရှိပါ။ သို့သော် တမန်တော် အိဗ္ဗရာဟင်ရဲ့ ဒုတိယဇနီး ဖြစ်သူဟာဂျရာသခင်မကို ဂျူးတို့က ပထမဇနီးဖြစ်သူ ဆာရာ ရဲ့ အစေ အပါးလို့ သုံးနှုန်းဖော်ပြပြီး၊ ကုရ်အာန်မှာတော့ အခုလိုဖော်ပြထားတာ မျိုးမတွေ့ရပါ။ ဟာဂျရာသခင်မက မွေးလာတဲ့ သားဖြစ်သူ တမန်တော် အစ္စမာအိလ်(ဂျူးအသံထွက်နဲ့ဆို အိချ်မေလ်) က ဒီနေ့ဆော်ဒီအာရေးဗီးယား က ကာအ်ဗာ ကျောင်း တော်ကိုတည်ဆောက်ခဲ့ပါတယ်။ သူ့အဆက်အနွယ်တွေက အာရဗ်တွေ ဖြစ်လာပါတယ်။ ပထမ ဇနီးဖြစ် သူ ဆာရာ သခင်မနဲ့မွေးလာတဲ့ သားဖြစ်သူ တမန်တော် အစ္စဟာက် (ဂျူးတို့အခေါ် အိုက်ဇက်) နဲ့ တမန်တော် အစ္စဟာက် ရဲ့သားဖြစ်သူ တမန်တော် ယာကူဗ်(ဂျူးအသံထွက်နဲ့ဆို ဂျေကောဗ်) မှာ သား(၁၂) ဦးရှိခဲ့ရာ၊ ဒီသား(၁၂) ဦးက ကဆင်းသက်လာသူ တွေက အစ္စရာအိလ် / ဂျူးတွေ ဖြစ်ကြပါတယ်။ ဘိုင်ဘယ်အခေါ် ဣသရေလမျိုးနွယ် ဖြစ်ပါတယ်။ ရှေ့မှာကျွန်တော် အစ္စရာအိလ် သို့မဟုတ် ဂျူး ဆိုတဲ့အသုံးအနှုန်းတွေကို သုံးနှုန်းသွားပါ့မယ်။ ဒါကြောင့် ဂျူးတို့မှာ မျိုးနွယ်စု(၁၂) စုရှိပါတယ်။ ယဟူဒါ၊ ယဟူဒ် လို့သုံးနှုန်းတာလည်းရှိပါတယ်။ ဒါက Kingdom of Juda ကမျိုးနွယ်စုတွေကို ရည်ညွှန်းတဲ့ အာရဗ်အသုံးအနှုန်းတွေဖြစ်ကြပါတယ်။ Ref: https://en.wikipedia.org/wiki/Torah https://en.wikipedia.org/wiki/Hebrew_... https://www.history.com/topics/religi...    • From Abraham to State of Israel: 3,750 Yea...   Music: Arcadia-Wonders by Kevin Mac Leod Kevin MacLeod is licensed under a Creative Commons Attribution 4.0 license. https://creativecommons.org/licenses/... Source: http://incompetech.com/music/royalty-... Artist: http://incompetech.com/ Recommended Videos:    • ပါရှားသမိုင်း | ဘီစီ ၇၂၀၀ - ၂၀၂၄ |      • မဟာအစ္စရေးနိုင်ငံထူ‌ထောင်ခြင်း