Скачать с ютуб პატიმრების წამება და საზოგადოება в хорошем качестве

პატიმრების წამება და საზოგადოება

მედია-კავშირ "ობიექტივის" გადაცემა - წამება საპატიმროებში და საზოგადოების დამოკიდებულება ამ სისასტიკის მიმართ. 2012 წლის 22 სექტემბერი. გადაცემას უძღვება ბონდო მძინარაშვილი. ბონდო მძინარაშვილი: ხელისუფლება თავის გადარჩენას ცდილობს, მაგრამ მათი მცდელობა ამაოა. ბოლო ორი დღეა ხელისუფლება ბრალდებას უყენებს იმ ადამიანებს, რომლებმაც ფარდა ახადეს ამ უმსგავსობას. ხათუნა კალმახელიძის და ბაჩო ახალაიას თანამდებობებიდან წასვლა, რომელიც სადიზმის ერთ -ერთი სულის ჩამდგმელია, ბევრს ვერაფერს შეცვლის. ხელისუფლების პირველმა პირებმა ძალიან კარგად იციან რა ხდებოდა ციხეებში, დღეს მათი ფარისევლური გაბრაზება არავის არ სჭირდება. ადვოკატთა კორპუსი წლების მანძილზე აცხადებდა, რომ ციხებში პატიმრებს აწამებდნენ. ასევე მედია -კავშირი „ობიექტივი" მუდმივად აწვდიდა საზოგადოებას ინფორმაციას ციხეებში არსებული ვითარების შესახებ. უამრავი პატიმარი იღუპებოდა ციხეში. ამ ტკივილს თითოეული ქართველი განიცდის, ეს საერთო ტკივილია. ამ ხელისუფლებამ საზოგადოების მიღმა დააყენა საკუთარი თავი. სააკაშვილი დღეს აცხადებს, რომ გლდანის ციხე უკვე წარსულია, მაგრამ მინდა მას განვუცხადო, რომ გლდანის ციხე სააკაშვილის აწმყო და ამ ხელისუფლების სახეა. ჩვენ მსოფლიოს ვაჩვენეთ ისეთი კადრები, რაც აბუ-გრეიბის ციხეშიც არ მომხდარა. არ შეიძლება ადამიანი ამყოფო ისეთ პირობებში, როგორც ეს საქართველოშია. ჩვენ, მედია-კავშირი „ობიექტივი" მუდამ ღიად ვსაუბრობდით, მოდიოდნენ უფლებადამცველები, ადვოკატები და ფაქტებს დებდნენ. ასევე ვმართავდით შეხვედრებს ბრიუსელში და ყველა ამ მასალას ვაცნობდით. ცხრა წლის მანძილზე სააკაშვილმა უსამართლო ქვეყანა ააშენა და ამ ყველაფრის შემდეგ კვლავ ითხოვს ხელისუფლებაში ყოფნას. ჩვენ ყველამ სწორი არჩევანი უნდა გავაკეთოთ და ყველამ ერთად ვუთხრათ უარი ამ სისასტიკეს.