Скачать с ютуб მერაბ კოსტავას ხსოვნას - ობიექტივი в хорошем качестве

მერაბ კოსტავას ხსოვნას - ობიექტივი

"ობიექტივის" გადაცემა, რომელიც საქართველოს ეროვნული გმირის მერაბ კოსტავას ხსოვნას ეძღვნება. გადაცემას უძღვება ჟურნალისტი ბონდო მძინარაშვილი. 2012 წლის 13 ოქტომბერი. დღეს მერაბ კოსტავას გარდაცვალებიდან 23 წელი გავიდა.1989 წლის 13 ოქტომბერს ის ტრაგიკულად დაიღუპა. მერაბ კოსტავა ნამდვილად ეროვნული გმირი იყო; მას უდიდესი წვლილი მიუძღვის საქართველოს დამოუკიდებლობის მოპოვებაში. ჩვენი, ქართველი ერის ვალია, დავაფასოთ ამ ადამიანის ღვაწლი და თავდადება სამშობლოსათვის. მერაბ კოსტავა საოცარი ბუნების ადამიანი იყო. მას ყველა უყვარდა - მისი თანამებრძოლები და ის ადამიანებიც კი, ვინც ქვეყნის დამოუკიდებლობას ხელს უშლიდნენ. მერაბ კოსტავას მაგალითი გასათვალისწინებელია და, უპირველესად, ეს ქართველმა პოლიტიკოსებმა უნდა გაითვალისწინონ; პედაგოგებმა აუცილებლად უნდა გააცნონ მერაბ კოსტავა და მსგავსი ეროვნული გმირები მომავალ თაობას. ასეთ ადამიანებზე გაზრდილ თაობას ნამდვილად ეყვარება სამშობლო. 20-წლიანმა უმძიმესმა პერიოდმა საქართველო ცუდ დღეში ჩააგდო. ეს ყველაფერი კი უსიყვარულობის გამო დაგვემართა. სამწუხაროდ, სიძულვილმა გვაჯობა. მერაბ კოსტავა და ზვიად გამსახურდია, ეს ორი ადამიანი, ერთმანეთისგან განუყოფელი იყო. ისინი ერთად იბრძოდნენ საქართველოს დამოუკიდებლობისთვის. საზოგადოებამ ისინი გმირებად აღიარა. მათ სიცოცხლე სამშობლოს შესწირეს. მათი მუდმივი საფიქრალი სამშობლო იყო. ისინი ერთმანეთს სიკვდილმა დააშორა და მრავალი წლის შემდეგ მთაწმინდაზე შეხვდნენ, სადაც საქართველოს მამულიშვილები განისვენებენ.