Скачать с ютуб រុស្ស៊ី បាញ់បង្ហោះផ្កាយរណបចំនួន55គ្រឿងជាប្រវត្តិសាស្រ្ត в хорошем качестве

រុស្ស៊ី បាញ់បង្ហោះផ្កាយរណបចំនួន55គ្រឿងជាប្រវត្តិសាស្រ្ត

រុស្ស៊ី បាញ់បង្ហោះផ្កាយរណបចំនួន55គ្រឿងជាប្រវត្តិសាស្រ្ត ប្រទេសរុស្ស៊ីបានបាញ់បង្ហោះផ្កាយរណបចំនួន 55 គ្រឿងទៅកាន់គន្លងតារាវិថីកាលពីថ្ងៃអង្គារ ដោយមានផ្កាយរណប២ដែលផលិតដោយប្រទេសអ៊ីរ៉ង់។ ការនេះបង្ហាញយ៉ាងច្បាស់ពីកិច្ចសហប្រតិបត្តិការកាន់តែស៊ីជម្រៅរវាងទីក្រុងម៉ូស្គូ និងទីក្រុងតេអេរ៉ង់។ ទីភ្នាក់ងារអវកាស Roscosmos របស់រុស្ស៊ីបានរាយការណ៍ថា ប្រតិបត្តិការបង្ហោះផ្កាយរណបនេះ មាន51 ជាបច្ចេកវិទ្យារុស្ស៊ីសុទ្ធ មួយគ្រឿងបច្ចេកវិទ្យាចិនរុស្ស៊ី ១ជាបច្ចេកវិទ្យារុស្ស៊ី-ហ្ស៊ីមបាវ៉េ និង ២ជារបស់អ៊ីរ៉ង់។ ទីភ្នាក់ងារអវកាស Roscosmos គូសបញ្ជាក់ថា ការបាញ់បង្ហោះផ្កាយរណបនេះ គឺជាការបង្ហោះ ដែលមានចំនួនច្រើនមិនធ្លាប់មាន ហើយក៏ជាចំនួនច្រើនបំផុតក្នុងប្រវត្តិសាស្រ្តរបស់រុស្ស៊ី។ ផ្កាយរណបអ៊ីរ៉ង់ទាំងពីរមានឈ្មោះថា Koswar និង Hodhod ដែលត្រូវបានរចនា និងសាងសង់ដោយក្រុមហ៊ុន Omid Faza របស់ប្រទេសអ៊ីរ៉ង់។ ផ្កាយរណបទាំងពីរមានតួនាទីផ្តិតយករូបភាព និងផ្តល់ទំនាក់ទំនងពីអវកាស។ រីឯទីក្រុងតេអេរ៉ង់បាននិយាយថា វាគឺជាលើកទីមួយហើយដែលរុស្ស៊ីបានបាញ់បង្ហោះផ្កាយរណបអ៊ីរ៉ង់ដែលផលិតដោយខ្លួនឯង ។ រុស្ស៊ី និងអ៊ីរ៉ង់បានពង្រឹងទំនាក់ទំនងនយោបាយ សេដ្ឋកិច្ច និងយោធា ចំពេលមានសង្រ្គាមនៅអ៊ុយក្រែន និងជម្លោះដែលកំពុងបន្តនៅមជ្ឈិមបូព៌ា ហើយការនេះ បានធ្វើអោយលោកខាងលិចមានក្តីព្រួយបារម្ភជាខ្លាំងចំពោះទំនាក់ទំនងដ៏ស្អិតរមួតរបស់ប្រទេសទាំងពីរ៕