Скачать с ютуб الامتياز لطلبة طب في ألمانيا| فوائد الامتياز | ابدأ ب ايه| ابدأ امتي| ابدأ ازاي| الجزء الأول (1) в хорошем качестве

الامتياز لطلبة طب في ألمانيا| فوائد الامتياز | ابدأ ب ايه| ابدأ امتي| ابدأ ازاي| الجزء الأول (1)

الأول لازم نعرف إن ألمانيا فيها حوالي 36 كلية طب .. يتبعها أكتر من 600 مستشفى تعليمي .. أي حاجة منهم ممكن طلبة الأمتياز ياخدوا تدريبهم فيها . دراسة الطب في جامعات المانيا بتكون 5 سنوات ..و السنة السادسة هي سنة الامتياز أو Praktisches Jahr و الطالب فيها بيكون اسمه PJler/in ليه بنسميه طالب أو هو بيعرف نفسع Praktisches Jahr Student لانه غيرنا .. احنا بنخلص سنة الامتياز السابعة و بناخد تصريح مزاولة المهنة و بنشتغل .. في المانيا بيبقى اسمه طالب لأنه مطالب بعد ما يخلص سنة الامتياز يمتحن امتحان اسمه Staatexam هيمتحن فيه في كل اللي درسه في الطب في ال5 سنين ..لو نجح فيه هياخد تصريح مزاولة المهنة الدائم ) Approbation) مهم جدا إنك تعرف إن الامتياز في المانيا شكله بردو مختلف عننا .. هم عندهم السنة كلها 48 اسبوع متقسمة 3 أجزاء .. الجزء الواحد بيبقى اسمه Tertial و مدته 16 اسبوع .. لازم يقضي 16 اسبوع باطنة.. و 16 جراحة ... و 16 في تخصص تالت من اختياره Wahlfach طيب نيجي بقى لنظام المستشفيات .. ده نظام مختلف ... و لازم كل واحد مهتم يقرا عن المستشفى اللي ناوي ياخد امتيازه فيها ... فيه مستشفيات بتعمل محاضرات لتعليم طلبة الامتياز Fortbildung فيه مستشفيات بتوفر سكن للطلاب مجانا فييه مستشفيات بتوفر الاكل للطلاب مجانا أو بسعر بسيط جدا فيه مستشفيات بتوفر مرتب أو خلينا نسميه( هبة( لطلاب الامتياز . كل الامتيازات دي أنت ممكن المستشفى توفرهالك زي ما بتوفرها للطالب الالماني بالظبط . بشكل عام كل ما المستشفى بتكون في مدينة كبيرة ..زي برلين ، هامبورج ، ميونخ ..إلخ أو مستشفى جامعة .. الامتيازات دي بتقل . نيجي بقى لجزء مهم دورنا ايه كامتياز ... احنا كأطباء امتياز في بلدنا ممكن نعمل شهور من امتيازنا في ألمانيا .. انت محتاج تعرف الأول جامعتك هتسمح لك تاخد اد ايه من سنة الامتياز بتاعتك في الخارج و بعدين تراسل على الاساس ده . تراسل مين ؟ على موقع كل مستشفى تعليمية أو جامعة فيه شخص مسؤول عن الامتياز هتلاقيه تحت كلمة Studium أو كلمة Kariere أو تقدر تبحث بكلمة PJ عشان توصل له .. تراسل ازاي ؟ هتكتب له ايميل .. انك طلب و عايز تاخد شهور الفلانية في التخصص الفلاني .. و مهم جدا انك تبعت له شهادة قيد في جامعة بتاعتك ... و لازم يكون مكتوب فيها انك FINAL YEAR STUDENT – في الحقيقة مفيش توصيف محدد في جامعاتنا للامتياز لا هو طالب عشان مش هيمتحن تاني ، ولا هو طبيب لانه معهوش تصريح مزاولة مهنة – لكن هم في ألمانيا مش هيقبلوك كامتياز إلا لو انت مقيد في جامعتك انك طالب . زاي تدور في المستشفيات ؟ دي صفحة ويكيبيديا فيها كل المستشفيات التعليمية و الجامعية الموجودة في ألمانيا ..تقدر تشوف فيها اسامي المستشفيات و تكتبها في جوجل .. و تدخل تشوف نظام المستشفى و لو عجبتك تراسلها . http://de.wikipedia.org/wiki/Liste_de... فيه كمان الموقع ده ... Doctopia و ده موقع جديد فيه بورصة الامتياز .. و الحقيقة ده من افضل المواقع البحثية لانك عن طريقه ممكن جدا تضيق نطاق البحث من حيث المستشفيات اللي بتوفر سكن أو أكل أو (هبة) ... أو بحث بعدد السراير و التخصصات .. أو لابعد عن المدينة الفلانية مثلا . http://www.doctopia.de/pjboerse/index... و فيه كمان تقارير طلبة الامتياز في المانيا عن الفترات اللي قضوها في المستشفى ..تقدر تاخد فكرة عن المستشفى قبل ما تراسلها من هنا http://www.pj-ranking.de/ هل المستشفيات بتطلب مستوى لغة معين ؟ حسب المستشفى ..فيه مستشفيات مش بتطلب و فيه مستشفيات بتشترط في المراسلة انك تكون تعرف ألماني كويس .. رأيي انه لو حد رايح ياخد فكرة كده و يتفسح و يرجع فمش هتفرق معاه يكون معاه لغة من عدمه .. انما اللي رايح و بيخطط لكاريير في المانيا ..أو عايز يتعلم في الامتياز فرأيي انه ميرحش حقيقي لو مستواه اقل من B2 متفتكرش حقيقي ان حد هيقعد يترجم لك كل حاجة بالانجليزي عشان يعلمك .. اطلاقا ده عمره ما هيحصل ..هم اصلا بيكونوا مشغولين جدا ولو الالماني عندك مش قوي انك تلقط بيه .. بقول لك بكل أسف مش هتتعلم .. انا تعمدت اني اكتب الكلام ده في الاخر عشان عارف انه صادم ..بس ده رأيي و دي قناعتي .. خد بيها لو حبيت .. و ارميها لو شااكك في صدقها .