Скачать с ютуб ဒေါ်အောင်ဆန်းစုကြည်နဲ့နိုင်ကျဉ်းတွေအားလုံးလွတ်မြောက်ရေး လွှတ်တော်တွေ တောင်းဆို | People's Spring в хорошем качестве

ဒေါ်အောင်ဆန်းစုကြည်နဲ့နိုင်ကျဉ်းတွေအားလုံးလွတ်မြောက်ရေး လွှတ်တော်တွေ တောင်းဆို | People's Spring

ဒေါ်အောင်ဆန်းစုကြည်နဲ့နိုင်ကျဉ်းတွေအားလုံးလွတ်မြောက်ရေး လွှတ်တော်တွေ တောင်းဆို ဇွန် - ၁၇၊ ၂၀၂၅/ People’s Spring ငြိမ်းချမ်းရေး နိုဘယ်ဆုရှင် လူထုခေါင်းဆောင် ဒေါ်အောင်ဆန်းစုကြည်နဲ့တကွ နိုင်ငံရေးအကျဉ်းသားတွေအားလုံးကို ခြွင်းချက်မရှိ အမြန်ဆုံးလွှတ်ပေးဖို့ ၂၀၂၀အထွေထွေရွေးကောက်ပွဲအနိုင်ရ လွှတ်တော်ကိုယ်စားလှယ်တွေနဲ့ စုဖွဲ့ထားတဲ့ ပြည်နယ်နဲ့ ဖက်ဒရယ်ယူနစ်လွှတ်တော်တွေ၊ လွှတ်တော်ကိုယ်စားပြုကော်မတီတွေက ဒီနေ့ (ဇွန်လ ၁၇ ) ရက်စွဲနဲ့ ပူးတွဲသဘောထား ထုတ်ပြန်လိုက်ပါတယ်။ အဲဒီ ပူးတွဲသဘောထားထုတ်ပြန်ချက်ကို စစ်ကိုင်းဖက်ဒရယ်ယူနစ်လွှတ်တော်၊ တနင်္သာရီတိုင်းလွှတ်တော်၊ မကွေးဖက်ဒရယ်ယူနစ်လွှတ်တော်၊ ရန်ကုန်တိုင်းလွှတ်တော်၊ ဧရာဝတီတိုင်းလွှတ်တော်၊ ကချင်ပြည်နယ်လွှတ်တော်ကိုယ်စားပြုကော်မတီ၊ ကယားပြည်နယ်လွှတ်တော်သုံးရပ်ကော်မတီ(အမျိုးသားဒီမိုကရေစီအဖွဲ့ချုပ်)၊ ကရင်ပြည်နယ်လွှတ်တော်ကိုယ်စားပြုကော်မတီ၊ ချင်းပြည်နယ်လွှတ်တော်ကိုယ်စားပြုကော်မတီတို့က ထုတ်ပြန်လိုက်တာပါ။ ထုတ်ပြန်ချက်မှာ “ကမ္ဘာ့ငြိမ်းချမ်းရေးနိုဗယ်ဆုရှင် လူထုခေါင်းဆောင် ဒေါ်အောင်ဆန်းစုကြည် အသက် ၈၀ ပြည့် မွေးနေ့မှသည် သက်တော်ရာကျော် ရှည်ပါစေကြောင်းနှင့် အမြန်ဆုံးလွတ်မြောက်ပါစေကြောင်း မွေးနေ့ဆုမွန်ကောင်း တောင်းအပ်ပါသည်”လို့ ဖော်ပြထားပါတယ်။ အခုလို ပူးတွဲ ထုတ်ပြန်ချက်ကို လာမယ့်ရက်ပိုင်း ဇွန်လ ၁၉ရက်မှာကျရောက်မယ့် ဒေါ်အောင်ဆန်းစုကြည်ရဲ့ မွေးနေ့မတိုင်ခင် ထုတ်ပြန် လာတာလည်းဖြစ်ပါတယ်။ မြန်မာနိုင်ငံမှာ ဒီမိုကရေစီရှင်သန်ဖို့ ၊ ဖက်ဒရယ်ပြည်ထောင်စု တည်ဆောက်ဖို့ အတွက် အရေးပါတဲ့ ပုဂ္ဂိလ်တွေ၊ တိုင်းရင်းသား ခေါင်းဆောင် တွေအားလုံး သဘောတူလက်ခံတဲ့ နိုင်ငံရေးအခင်းအကျင်း ကိုမဖြစ်မနေ အကောင်အထည်ဖော်ရမှာဖြစ်တယ်လို့ ပူးတွဲသဘောထားထုတ်ပြန်ချက်မှာရေးသားထားပါတယ်။ လက်ရှိအခြေအနေကတော့ အာဏာသိမ်းစစ်တပ်ရဲ့ လုပ်ရပ်ကြောင့် ဒီမိုကရေစီလမ်းကြောင်းပေါ်ရောက်စပြုနေတဲ့ နိုင်ငံနဲ့ နိုင်သားတွေ ဟာ တောင်ပေါ်၊ မြေပြန့်၊ ကျေးလက်၊ မြို့ပြမကျန် နေရာဒေသ အစုံမှာ အထွေထွေအကျပ်အတည်းတွေကို အဆိုးဝါးဆုံး ရင်ဆိုင်ကြုံတွေ့နေရပြီး ပြည်ထောင်စုရဲ့ အနာဂတ်မှာလည်း မရေရာ၊ မသေချာမှုတွေနဲ့ အလွန်စိုးရိမ်ရတဲ့ အခြေအနေ ရောက်ရှိနေတယ်လို့ လည်း အသိပေးထားပါတယ်။ ဇွန်လ ၁၉ ရက်မှာကျရောက်မယ့် ဒေါ်အောင်ဆန်းစုကြည်မွေးနေ့မှာ ပြည်သူတွေ ဆုတောင်းမေတ္တာပေးပို့ကြဖို့ ကို NLD ပါတီကတိုက်တွန်းထားပါတယ်။ မွေးနေ့ ဆုတောင်အများဆုံးပေးပို့တဲ့ ဂင်းနစ်စံချိန်တင်နိုင်ဖို့အတွက် ရည်ရွယ်လုပ်ဆောင်နေတဲ့ Suu 80 Birthday Campaign မှာ လူထုက ဒေါ်အောင်ဆန်းစုကြည်အတွက်ပေးပို့လာတဲ့ဆုတောင်းစကားငါးသောင်းကျော်ရရှိထားပြီလို့ သိရပါတယ်။ လက်ရှိမှာတော့ ဒေါ်အောင်ဆန်းစုကြည်ဟာ အာဏာသိမ်းစစ်ကောင်စီရဲ့ ဖမ်းဆီးအကျဉ်းချတာကို ခံနေရပါတယ်။ စစ်တပ်အာဏာသိမ်းပြီးနောက် ဒေါ်အောင်ဆန်းစုကြည် ကို အမှု ၁၉ ခုနဲ့တရားစွဲပြီး ထောင်ဒဏ် နှစ် ၃၀ ကျော်ချခဲ့တာပါ။ ဒေါ်အောင်ဆန်းစုကြည်ကတော့ သူ့ကို စွပ်စွဲချက်တွေဟာအခြေအမြစ်မရှိဘူးလို့ တုံ့ပြန်ထားပါတယ်။ #ludunwayoo #လူထုနွေဦး #NewsUpdate 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 𝗬𝗼𝘂𝗧𝘂𝗯𝗲 -    / @peoplespring   𝗙𝗮𝗰𝗲𝗯𝗼𝗼𝗸 -   / ludunwayoo   𝗪𝗲𝗯𝘀𝗶𝘁𝗲 - https://www.ludunwayoo.com/ 𝗜𝗻𝘀𝘁𝗮𝗴𝗿𝗮𝗺 -   / ludunwayoo   𝗧𝗲𝗹𝗲𝗴𝗿𝗮𝗺 - https://t.me/peoplespring