Скачать с ютуб Great session on 18/11/19 with Cambodia Chamber of Commerce в хорошем качестве

Great session on 18/11/19 with Cambodia Chamber of Commerce

អគ្គនាយកសភាពាណិជ្ជកម្មកម្ពុជា លើកឡើងថា ការបណ្តុះបណ្តាលកំលាំងពលកម្មជំនាញត្រឹមត្រូវ ជាចំនុចស្នូលនៃជីវិតអាជីវកម្ម អត្ថបទ អៀវ ឈៀងនី សភាពាណិជ្ជកម្មកម្ពុជា និង Reveres Academy បានសហការគ្នារៀបចំសិក្ខាសាលាស្តីពីការអភិវឌ្ឍន៍កំលាំងការងារនៅកម្ពុជា នាថ្ងៃទី១៨ ខែវិច្ឆកា ឆ្នាំ២០១៩នះ ក្រោមអធិបតីរបស់ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា រួមនិងវគ្ម័នល្បីៗជាច្រើនរូប ដែលមានជំនាញ និងបទពិសោធន៍ច្រើនឆ្នាំ មកពីក្រុមហ៊ុនរបស់ប្រទេសសឹង្ហបុរី។ ថ្លែងបើកសិក្ខាសាលានេះ ឧកញ៉ា ងួន ម៉េងតិច បានមានប្រសាសន៍ថា សភាពាណិជ្ជកម្មកម្ពុជា បានប្តេជ្ញាដើរតួនាទីយ៉ាងសំខាន់ នាំមកនូវវគ្គបណ្តុះបណ្តាល ដើម្បីអាចឆ្លើយតប នឹងតម្រូវការកម្លាំងពលកម្មជំនាញ ដែលកំពុងកើនឡើងសម្រាប់អាជីវកម្ម និងជាជីវិតស្នូលរបស់សហគ្រាស។ អាជីវកម្មត្រូវការជំនាញត្រឹមត្រូវ និងកំលាំងពលកម្មជំនាញដែលមានសមត្ថភាពរឹងមាំ ដើម្បីភាពប្រគួតប្រជែង និងឲ្យកាន់តែមានប្រសិទ្ធភាព។ វគ្គបណ្តុះបណ្តាលនេះ មានការចូលរួមពីសិក្ខាកាមជាប្រធានក្រុមហ៊ុន ថ្នាក់ដឹកនាំ និងម្ចាស់សហគ្រាស ប្រមាណ ១០០នាក់ ដែលមានរយៈពេលពេញមួយថ្ងៃ ដើម្បីផ្តល់ចំណេះដឹង និងជំនាញ ពាក់ព័ន្ធទៅនិងផ្នែកបច្ចេកទេស វិជ្ជាជីវៈ និងគ្រប់គ្រងអាជីវកម្មជាដើម។ ឧកញ៉ា ងួន ម៉េងតិច បានបន្តថា ការបណ្តុះបណ្តាលនេះ ស្របតាមគោលនយោបាយរបស់់រាជរដ្ឋាភិបាល ក្នុងការអភិវឌ្ឍន៍ធនធានមនុស្ស ហើយក៏ជាអាទិភាពមួយរបស់សភាពាណិជ្ជកម្មកម្ពុជា ដើម្បីឲ្យកំលាំងពលកម្មកម្ពុជាមានជំនាញ និងមានសមត្ថភាពរឹងមាំ ឆ្លើយតបត្រូវនៅក្នុងទីផ្សារការងារ និងការចង់បានរបស់ម្ចាស់សហគ្រាសផ្ទាល់។ កង្វះពលកម្មជំនាញ គឺជាកង្វល់ចំបងមួយ សម្រាប់ការអភិវឌ្ឍន៍សេដ្ឋកិច្ច និងប្រទេសជាតិ។ គួរបញ្ជាក់ថា ភាពជឿនលឿននៃបច្ចេកវិទ្យា និងការមកដល់ផ្នែកឌីជីថល កំពុងផ្លាស់ប្តូរស្ថានភាពអាជីវកម្មសកលលោក ហើយអាជីវកម្មនៅទូទាំងពិភពលោក ត្រូវតែសម្របខ្លួនឲ្យបានឆាប់រហ័សដោយផ្លាស់ប្តូរពីគំរូអាជីវកម្មបែបប្រពៃណីឆ្ពោះទៅរកអាជីវកម្មថ្មីបែបទំនើប និងមាននិរន្តរភាពសម្រាប់អនាគត៕ #reveresacademy, #cnctv