Скачать с ютуб تعرف من هو البرتغالي جوزيه ريكاردو سواريس مدرب الأهلي الجديد в хорошем качестве

تعرف من هو البرتغالي جوزيه ريكاردو سواريس مدرب الأهلي الجديد

الحكاية من اول ... استقالة بيتسو موسيماني عن تدريب الاهلي احب اعرف موسيماني قصر معانا في ايه ؟!! معقول .. عشان خد اتنين دوري أبطال أفريقيا ومخادش التالتة ؟!! عشان خد برونزيتين كاس العالم ومراحش التالتة ؟!! مش لاقيلها تفسير الصراحة برضو هتقعد تقولي هو اللي طلب أنه يمشي طب وهو طلب أنه يمشي ليه ؟!! الجمهور مش راحمه ولا حلوة ولا مرة موسيماني اتعرض للانتقاد عشان كسب وفاق سطيف أربعة بس موسيماني اتعرض للانتقاد عشان كسب الزمالك خمسة بس موسيماني اتعرض للانتقاد عشان خسر من بايرن ميونيخ اتنين صفر واتهام شديد ب أنه ضيع هيبة الاهلي يومها عامةً .... انا مش طالع اتكلم عن موسيماني انا طالع اتكلم عن بديل موسيماني مستر جوزيه ريكاردو سواريس مدرب برتغالي الجنسية من ضمن الأسماء المميزة في عالم التدريب البرتغالي تعدد ظهور المدارس البرتغالية عندنا في مصر سواء كان منتخب أو دوري جوسفالدو فيريرا نونو الميدا مدرب فاركو كارلوس كيروش جوزيه بيسيرو چورڤان فييرا فينجادا أسطورة التدريب في الاهلي والدوري المصري مانويل جوزيه كتير متعدش معايا ضيف عليهم مستر جوزيه ريكاردو سواريس من أبناء مدينة فيلجيراس وعمره 47 سنة لعب في عدد من أندية الدرجات الأدنى في الدوري البرتغالي وكان مركز لعبه right Wing وكانت أبرز الفرق اللي لعبلها فيتوريا جيمارايش في فريق الشباب بعد الانتقال فيلجيراس اللي بدأ فيه مسيرته سنة 89 والفريق الاول اللي لعب له على مستوى الكبار كان فيزيلا سنة 93 ولعب في عدد من الأندية المغمورة زي لوزادا وباريديس وفراموندي لحد ما اعتزل سنة 2005 في نادي ساندينسيز ومن بعد الاعتزال قرر الاتجاه لعالم التدريب في عديد من الأندية في الدرجة التانية والأولى في الدوري البرتغالي بدأ مع نادي تايباس كمدير عام واستكمل الرحلة كمدير فني مع 14 نادي على أبرزهم كاكادوريس و ليكسا و ريبيراو و فيزيلا واكاديميكا وكوڤيلها وديسبورتيڤو أفيش اللي كان محمود كهربا لعب فيه 6 شهور بس وفي الاخير مع نادي جيل ڤيسنتي *وبالمناسبة .. نادي جيل ڤيسنتي اللي تعاقد مع مروان محسن سنة 2014 من صفوف بتروجيت ولكن مكانش تحت قيادة ريكاردو سواريس وقتها وقاد ريكاردو نادي جيل ڤيسنتي في 38 مباراة وفاز في 15 وتعادل في 12 وخسر في 11 وسجل 57 هدف واستقبل 48 هدف وحقق المركز الخامس وبالنسبة للفريق يعتبر إنجاز تاريخي وهيتأهلوا لدوري المؤتمر الأوروبي لأول مرة في التاريخ يمكن محققش بطولات خلال مسيرته سواء لاعب أو مدرب لكن يكفي أن مسيرته التدريبية عمالة بتعلى درجات من نادي للتاني ولو كدة .. مكانش افضل نادي في القارة فكر أنه يتعاقد معاه واكيد طبعاً اللاعيبة اللي كان بيتعامل معاهم غير اللاعيبة اللي هيتعامل معاهم وطموح الفرق اللي دربها غير طموح الفرقة اللي هيدربها ريكاردو سواريس مجاش لوحده جاب معاه ماوريسيو فاس مدرب مساعد وراؤول ڤاريا محلل أداء وباولو لوبو مدرب حراس مرمى وبيدرو جيمارايش مخطط أحمال ملامح الظهور الاول ليه مع الأهلي في ماتش بتروجيت في كاس مصر أنه مدرب هجومي وبيلعب على الضغط العالي مع الحفاظ على توازن الدفاع انتهت بفوز الأهلي 2-0 وكان ممكن اكتر قفشة يسجل الاول اسيست معلول عبدالمنعم يسجل التاني اسيست معلول واضح أن في دور تكتيكي متفق عليه بين معلول وريكاردو زمان كله دلوقتي بيقول ايه المدرب دة ؟!! ايه الC.V الضعيف دة انا مش متفائل الإجابة بإختصار وبدون مبالغة دايما الاهلي هو صانع الانجازات للمدربين وفي عصر الكرة الحديثة مش شرط ال سي ڤي يكون قوي كله كان مستغرب من التعاقد مع رينيه فايلر لحد ما طور من الأداء وعمل ارقام محدش كان يتوقعها والكل رفعله القباعة بعدها بالتوفيق لمستر چوزيه ريكاردو سواريس والمزيد من البطولات أن شاء الله ❤️