Скачать с ютуб PODCAST в хорошем качестве

PODCAST

როდესაც ადამიანები რალიზე იწყებენ საუბარს, უმეტეს შემთხვევებში მაშინვე წამოიჭრება ხოლმე სადაო საკითხი - რალი თუ ფორმულა 1. ხშირად კამათობენ, რომელი უფრო რთულია და ვინ უფრო მაგარი მესაჭეა - რალისტი თუ ფორმულა 1-ის პილოტი. მაგალითად, ყველამ იცის ნიკი ლაუდა (აღარაფერს ვამბობთ მიხაელ შუმახერზე), მაგრამ ძალიან ცოტამ თუ იცის რალის ცოცხალი ლეგენდა, გერმანელი ვალტერ რიორლი. ყველამ იცის ლუის ჰემილტონი, რომელიც შუმახერის რეკორდებს ამხობს, მაგრამ ცოტამ - სებასტიენ ოჟიე, რომელიც ასევე შვიდგზის მსოფლიოს ჩემპიონია რალიში. ჯანკარლო ფიზიკელაც კი შეიძლება უფრო მეტს ჰქონდეს გაგონილი, ვიდრე ტომი მიაკინენი, რომელიც ფიზიკელას პერიოდში ზედიზედ 4-ჯერ გახდა WRC-ის მსოფლიოს ჩემპიონი. პოპსპორტის პოდკასტში საუბარიც სწორედ ამ თემით დავიწყეთ. ინსპირაცია დაკარის რალი გახლდათ, რომელიც ახლახან დასრულდა. ვისაუბრეთ იმის შესახებ, თუ რა ხდება ქართულ რალიში, ავტოსპორტის ეს სახეობა შევადარეთ სხვა მიმართულებებს. შევეხეთ ზოგადად ქართულ ავტოსპორტში მიმდინარე და მომავალ მოვლენებს. პოპსპორტის პოდკასტის სტუმრები იყვნენ საქართველოს საავტომობილო სპორტის ფედერაციის ვიცე-პრეზიდენტი, ყველასათვის კარგად ნაცნობი მრბოლელი მევლუდ მელაძე და კომპანია Tegeta Truck & Bus-ის წარმომადგენელი გიორგი ბაინდურაშვილი, რომელიც ასევე ძალიან ახლოსაა ავტოსპორტთან და ამავდროულად, სატვირთო ავტომობილების მწარმოებელი კომპანია Hino-ს ბრენდმენეჯერია საქართველოში. Hino არის ბრენდი, რომლის გუნდი წლებია ასპარეზობს რალი დაკარზე სატვირთოების კლასში.