Скачать с ютуб Ерікті Перизат Қайрат талан-таражға салған қаржы көлемі 1,5 миллиард теңгеден де көп болуы мүмкін в хорошем качестве

Ерікті Перизат Қайрат талан-таражға салған қаржы көлемі 1,5 миллиард теңгеден де көп болуы мүмкін

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal   --------------------------------------------- Ерікті Перизат Қайрат талан-таражға салған қаржы көлемі 1,5 миллиард теңгеден де көп болуы мүмкін. Себебі, қаржылық мониторинг агенттігі «Бір біргеміз Қазақстан» қайырымдылық қорының құрылтайшысы Палестина халқына жәрдем есебінде жиналған 200 миллион теңгені қолды етті деген күдікке ілінгенін айтты. Ол гуманитарлық көмекке жинаған қаражатқа қымбат көлік пен зергерлік бұйымдар сатып алуға жұмсаған. Қазір сезікті 2 айға қамалып отыр. Кейінгі бір апта қыруар қаражат жымқырды деген күдікке ілінген қайырымдылық қорының құрылтайшысы Перизат Қайраттың ісі қызу талқыланып жатыр. Қазір қаржылық мониторинг агенттігі еріктіні екі эпизод бойынша тергеуге алған. Яғни, Перизат Қайрат көктемгі су тасқынынан зардап шеккен елге көмектесу үшін жиналған 1,5 миллиард теңгеден астам қаражатты қолды еткен болуы мүмкін. Ал, ақшаны сәндік бұйымдар, көлік пен жылжымайтын мүлік алуға жұмсаған. Бұл – биылғы дерек. Сондай-ақ, агенттік жариялаған ақпарат бойынша, өткен жылы күдікті Палестина халқына деп жұрттан 200 миллион теңге көлемінде жылу жинап, оны өз қажетіне жаратқан. ГРАФИКА Мысалы, 30 миллион теңгеге автокөлік, бренд бутиктерден зергерлік бұйымдар мен киім, сағаттар және элиталық тұрғын үйден пәтер меншіктеген. Ал, еріктілер ақпаратты алғаш естігенде сенбедік деп отыр. Өйткені, бірталай жұмысты бірге атқарған. екен. ДАМИР ӘБДИН, ерікті: Ол ортаға «Біз біргеміз» деп ұран тастады. Бәріміз сол бастаманың аясында жұмыла жұмыс істедік. Бұл ұран елдегі қайырымдылық акцияларының символына айналған еді. Шыны керек, бұл жайтқа сене алмай отырмыз. Енді қайырымдылықпен айналысатын кез келген ұйым есеп беруі тиіс деп ойлаймыз. Жалпы, қайырымдылық ұйымдарының қызметін жүйелеу, ашықтығын қамтамасыз ету мәселесі бұған дейін де көтеріліп жүрген. Мысалы, мәжіліс депутаты Динара Наумова қорлардың қызметін үйлестіріп, қаражаттың нақты қайда жұмсалғанын ашық көрсететін бірыңғай реттеуші орган құруды ұсынады. Пікірінше, қайырымдылық ұйымдардың қызметін толық бақылауға мүмкіндік беретін онлайн-платформа әзірлеу де маңызды. ДИНАРА НАУМОВА, ҚР парламенті мәжілісінің депутаты: Қол ұшын созған адам қаржының мақсатты жұмсалғанын қалайды. Яғни, көзімен көргісі келеді. Біздің негізгі ойымыз да сол. Бәрі ашық болса дейміз. Әрі алаяқтық әрекеттердің алдын алуға мүмкіндік болады. Қазір министрліктің жанынан жұмыс тобы құрылып, заң әзірленіп жатыр. Тиісті ұсыныстарды енгізіп қойдық. Ал «Халық» қайырымдылық қорының өкілдері бір теріс пиғылды адамның әрекеті бүкіл салаға көлеңкесін түсірмеуі керек деп отыр. Айтуынша, өз ісін адал атқарып отырған ұйымдар жетерлік. НАРИМАН ӘБІЛШАЙЫҚОВ, «Halyk» қайырылымдылық қорының басқарушы директоры: Қаражат халықтан жиналса немесе квазигоссектордағы мықты компаниялар қаражат бөліп жатса қайырымдылық қорға, оны менің ойымша аудит жасап, бүкіл келген және шыққан қаражатын толығымен көрсету керек халыққа. Халық біліп отыру керек. Қазір Қазақстанда шамамен 1400-ге жуық қайырымдылық қоры жұмыс істейді. Бұдан бөлек, 740 волонтерлік ұйым мен 1800 бастамашыл топ бар. Ал қазақстандықтардың 27 пайыздан астамы қайырымдылық жасайды екен. ---------------------------------------------- Теңдессіз жобамызға көз салыңыз:    • Сөздің шыны керек: [журналистік зертт...   Бишімбаев ісі -    • Бишімбаев ісі   Су тасқыны бойынша барлық ақпарат -    • Су тасқыны // Төтенше жағдай   Жұмбақ өлімдер -    • Жұмбақ өлім   Біз барлық әлеуметтік желідеміз, тіркеліңіз: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   WhatApp - https://whatsapp.com/channel/0029VaDm... TikTok - https://www.tiktok.com/@informburo31?... Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық