Скачать с ютуб ايهما افضل | بيجو 405 🇫🇷 ولا اوبل فيكترا A 🇩🇪 в хорошем качестве

ايهما افضل | بيجو 405 🇫🇷 ولا اوبل فيكترا A 🇩🇪

ايهما افضل بيجو 405 ولا اوبل فيكترا لو بتدور على عربية سيدان أوروبية محترمة من التسعينات، فيها ثبات على الطريق، واعتمادية، وسعرها النهاردة مقبول و مش هيكسر ظهرك… غالبًا هتلاقي نفسك محتار بين اتنين من الأسماء التقيلة في وقت اصداوهم وهما بيجو 405 وأوبل فيكترا A. عربيتين من مدارس مختلفة، واحدة فرنسية وواحدة ألماني، وكل واحدة ليها شعبيه و جمهور . و في مقارنة النهارده من سينما السيارات، هنحسم الجدل: مين فيهم الأجمد في فئتها؟ ومين تستحق تدخل جيبك وتشتريها و ايهما افضل ؟ (التصميم) بيجو 405 بتقدملك تصميم أنيق وانسيابي، بيعتمد على الخطوط الهادية والواجهة الأمامية المميزة بفوانيسها المستطيلة وشبكتها البسيطة، وده خلى شكلها يفضل مقبول لحد دلوقتي أما فيكترا A فجاية بتصميم ألماني كلاسيكي، فيه جدية وحدّة في الملامح، مع بروفايل جانبي نظيف وخطوط مستقيمة، شكلها أقرب للسيارات الفخمة في وقتها، وناس كتير بتعتبرها “موديل عالي” وسط فئتها ⸻ (المواصفات) “البيجو نزلت بموتور 1600 و2000، منها كربراتير ومنها بخاخ… قوتها بتبدأ من 90 لحد 130 حصان. الفيكترا برضو فيها نفس الرينج تقريبًا، لكن في نسخ DOHC بتوصل لـ136 حصان، والفرق هنا إن الألماني بياخد النفس براحته.” ⸻ (الفئات) بيجو 405 نزلت في السوق المصري بكذا فئة، زي GR، SR، MI16 (الرياضية)، وكان فيه منها نسخ فرنسية بالكامل ونسخ مجمعة. •اما الفيكترا A نزلت بفئات زي GL وGLS وCD، وكان فيه فرق في الكماليات بين النسخ المستوردة والمجمعة ⸻ (التجهيزات) البيجو بتتفوق في الكماليات، وخصوصًا في الفئات الأعلى اللي بتجي بكراسي كهربا، زجاج كهربا، تكييف، وباور. • الفيكترا برضو فيها تجهيزات قوية، خصوصًا الفئة CD اللي كانت بتيجي بفتحة سقف، كراسي قماش مريحة، وتكييف ممتاز (وسائل الأمان) “بصراحة الأمان مش نقطة قوة هنا، الاتنين مش فيهم Airbags إلا في نسخ نادرة. فيه ABS في بعض الفئات العليا، بس بشكل عام ما تعتمدش على ده قوي.” (المميزات) بالنسبه للبيجو 405: هتلاقي ثبات عالي جدًا على السرعات • تصميم داخلي مريح وواسع • تسارع قوي في الفئات الأعلى • قطع غيار متوفرة وأسعارها مناسبة نسبيًا و الأوبل فيكترا A: هتلاقي جودة تصنيع ألمانية واعتمادية ممتازة • عزل صوتي محترم • تكييف قوي جدًا • شكل كلاسيكي وفخم الي حد ما (العيوب) بيجو 405:فيها نسخ الكربراتير بتعاني من مشاكل في استهلاك البنزين و الكهرباء حساسة في بعض النسخ و نسخ التجميع المحلي أقل جودة من الفرنسي الأوبل فيكترا A: • قطع الغيار أغلى شوية وأقل انتشارًا من البيجو • نسخ الأوتوماتيك بتسخن ومش اعتماديه بشكل كبير و الدركسيون في بعض النسخ تقيل رغم وجود الباور (الاقتصاد في البنزين) • استهلاك البنزين في البيجو أعلى شوية خصوصًا نسخ الكربراتير، ممكن تعمل من 8 لـ 10 لتر/100كم. • الفيكترة أوفر نسبيًا في نسخ الـ1600 إنجيكشن، بتعمل حوالي 7.5 لـ 9 لتر/100كم (الاعتمادية) البيجو بتحتاج صيانة دورية واهتمام، لكنها بتعيش لو اتظبطت. • الفيكترة معروفة إنها “تعمر” وتستحمل، وناس كتير بتقول عليها “مرسيدس الفقراء” لكن طبعا لازم تتابع صيانتها بشكل دوري (الحجم والعائلية) “الاتنين قريبين في الحجم، بس البيجو أوسع من جوه، والفيكترا شنطتها أكبر.” ⸻ (الصيانة) “الميكانيكية حافظين البيجو، صيانتها سهلة. لكن الفيكترا محتاجة صنايعي فاهم ويكون اشتغل فيها قبل كدا عشان ميسببلكش مشاكل تانيه ⸻ (قطع الغيار) “البيجو قطعها موجودة وبسعر معقول. الفيكترا قطعها موجودة بس أغلى وتقريبا مش منتشره زي البيجو وفيه حاجات منها استيراد.” ⸻ (السعر) المنطقي ان السعر يكون متقارب جدا ويكاد يكون متساوي لكن للتسف هتلاقي كل واحد حاطط سعر مختلف وانت وحظك بقي لكن بشكل عام السعر مقبول جدا و هيختلف علي حسب الحاله و الفئه (إعادة البيع) • الاتنين ليهم سوق، لكن البيجو 405 أسرع في البيع علشان انتشارها وشعبيتها اكبر . و بالنسبه للفيكترا جمهورها خاص ومابيشتريهاش غير اللي عايزها. (الخلاصة) “عايز عربية خفيفة، سريعة وصيانتها اسهل مع اعاده بيع افضل، وقطع غيارها على كل رف؟ روح للبيجو. اما بالنسبه للفيكترا برده هتبقس كويسه معاك واعتكاديه علي حسب محافظتك عليها ومتابعتها لكن هتفتقد للسرعه في اعاده البيع و الصيانه السهله . وفي الاخر الاختيار الكامل ليك برده . دا كان فيديو ايهما افضل ولو عندك اي معلومه او تعديل علي كلامنا ي ريت تسيبه في كومنت برابط للمصدر دا كان فيديو ايهما افضل متنساش اللايك و السبسكرايب سلام ي وحش