Скачать с ютуб ဖားကန့်ကျောက်စိမ်းလုပ်ကွက်တစ်ခုကို စစ်ကောင်စီ မီးထပ်ရှို့ | People's Spring в хорошем качестве

ဖားကန့်ကျောက်စိမ်းလုပ်ကွက်တစ်ခုကို စစ်ကောင်စီ မီးထပ်ရှို့ | People's Spring

ဖားကန့်ကျောက်စိမ်းလုပ်ကွက်တစ်ခုကို စစ်ကောင်စီ မီးထပ်ရှို့ ဇွန်-၄၊၂၀၂၅။ ယောနသံ/People's Spring စစ်ကောင်စီက လက်နက်ကြီးဖြင့်ပစ်၍ ပြင်းထန်သောပေါက်ကွဲမှုဖြစ်ခဲ့သည့်ဖားကန်မြို့နယ်၊ မှော်စီစာကျေးရွာရှိ ကျောက်စိမ်းတူးဖော်ရေးလုပ်ကွက်အနီးရှိ အခြားလုပ်ကွက်တစ်ခုကိုစစ်ကောင်စီက ဇွန် ၄ ရက်တွင်မီးရှို့ဖျက်ဆီးခဲ့ကြောင်း ဒေသခံများကပြောသည်။ ယနေ့ ဇွန်လ ၄ရက် နံနက်အစောပိုင်း၌ထွက်လာသော စစ်ကောင်စီစစ်ကြောင်းသည် နေ့လယ် ၁နာရီခန့်တွင် မြဥယာဥ်ကုမ္ပဏီအတွင်းသို့ ဝင်၍ မီးရှို့နေခြင်းဟု ဒေသခံတစ်ဦးကပြောသည်။ " မီးခိုးတွေ အတန်းလိုက်ပဲ။စစ်...ကြောင်းက မီးလိုက်ရှို့နေပြီ။ KIAအနေနဲ့ မှော်ထဲမှာ ...ဆိုးကို လက်ခံထားရင် အဲ့ဒီ...က လိုက်ကိုက်နေမှာပဲ" ဟု ဒေသခံတစ်ဦးကပြောသည်။ ​ကျောက်စိမ်းလုပ်ကွက်ရှိ ကားနှစ်စီးကို စစ်သားများကမီးရှို့ခဲ့သည်ကို ​ဒေသခံတစ်ဦးတင်ထား​သောရုပ်သံမှတ်တမ်းတွင်​တွေ့ရသည်။ မီးရှို့သည့်နေရာအနီးရှိ တင်အောင်ကြိုင်လုပ်ကွက်အမည်ရ ကျောက်စိမ်းတူးဖော်ရေးလုပ်ကွက်အတွင်း ဇွန်လ ၃ရက်နေ့လယ်၁နာရီတွင် ပြင်းထန်သည့်ပေါက်ကွဲမှုဖြစ်ပြီး လူသုံးဦး သေဆုံးကာ ဆယ်ဦး ဒဏ်ရာအပြင်းအထန်ရခဲ့သည်။ ထိုသို့​ပေါက်ကွဲခြင်းမှာ စစ်ကောင်စီကလက်နက်ကြီးဖြင့်ပစ်ခတ်ခြင်း​ကြောင့် သို​လှောင်ထား​သောယမ်းများ​ပေါက်ကွဲခဲ့ခြင်းဖြစ်​ကြောင်း ဒေသခံများကပြောသည်။ အထက်ပါပေါက်ကွဲမှုဖြစ်စဉ်ကို စုံစမ်းစစ်ဆေး​နေပြီး ၊ဒေသခံများ၏အဆိုအရစစ်ကောင်စီကလက်နက်ကြီးပစ်ခတ်ခြင်းဟု ကချင်လွတ်လပ်ရေးတပ်မတော်(KIA)သတင်းပြန်ကြားရေးတာဝန်ခံ ဗိုလ်မှူးကြီးနော်ဘူက ဇွန်လ ၄ ရက်မွန်းလွဲ ၂နာရီခန့်တွင် People's Spring သို့ပြောသည်။ ဖားကန့်သို့ရောက်ရှိနေသည့်စစ်ကောင်စီစစ်ကြောင်းသည် ဇွန် ၄ ရက် နံနက်ကလည်း မှောင်စီဆာလုပ်ကွက်ရှိ ကျောက်စိမ်းကုမ္ပဏီပိုင်တစ်ခုပိုင် မြေသယ်ကား ၂ စီး၊ ဘက်ဟိုးကား ၁ စီးကိုမီးရှို့ဖျက်ဆီးခဲ့သည်။ ကာမိုင်း - လုံးခင်း - ဖားကန့်လမ်းအတိုင်း ဧပြီလ ၂၃ရက်က ဝင်လာသည့်စစ်ကောင်စီစစ်ကြောင်းသည် ‌မေလ ၂၇ရက်၌ လုံးခင်းယမ်းချက်စက်ရုံသို့ ရောက်ရှိလာပြီးနောက်မေလ ၂၈ရက်မှစ၍ လုံးခင်းပတ်ဝန်းကျင်တွင် စစ်ကြောင်းထိုးခဲ့သည်။ မေလ ၂၉ရက် နေ့လယ်ပိုင်းတွင် ဖားကန့်သို့ထွက်ခွာလာပြီး ယင်းနေ့ညနေပိုင်းတွင် ဖားကန့်စုပေါင်းရုံး၊ မြို့ဦးစေတီ၊ အထက၊ မရှီကထောင်တရုတ်ဘုံကျောင်း၊သီတဂူမျက်စိကုဆေးရုံ၊ ပန်းတင်တံတား၊ ဗျူဟာကုန်းတို့တွင် နေရာယူခဲ့သည်။ ထို့နောက် ဖားကန့်ကျောက်စိမ်းမှော်ဝန်းကျင်တွင် စစ်ကြောင်းထိုးရန်ကြိုးစားနေပြီး KIA တပ်စွဲထားသည့်နေရာများကိုလည်း ဖယ်ရှားရန် ဖိအားပေးနေကြောင်း ဒေသခံသတင်းရင်းမြစ်များထံမှသိရသည်။ #ludunwayoo #လူထုနွေဦး #NewsUpdate 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 𝗬𝗼𝘂𝗧𝘂𝗯𝗲 -    / @peoplespring   𝗙𝗮𝗰𝗲𝗯𝗼𝗼𝗸 -   / ludunwayoo   𝗪𝗲𝗯𝘀𝗶𝘁𝗲 - https://www.ludunwayoo.com/ 𝗜𝗻𝘀𝘁𝗮𝗴𝗿𝗮𝗺 -   / ludunwayoo   𝗧𝗲𝗹𝗲𝗴𝗿𝗮𝗺 - https://t.me/peoplespring