Скачать с ютуб Do•amek news 6th November 2021 в хорошем качестве

Do•amek news 6th November 2021

Story 1 Sukurbar salni bakko All Garo Hills Joint Action Committee Meghalaya-osan ong∙gija Indiani pilak biaprangon Petrol aro Diesel-rangni damrangko bariatanina jeagalaniko Tura Bajar-o ong∙atangaha. Uamngni janapani o Petrol aro Diesel-rangko a∙songko, sason ka∙gipani damrang bariatanichi pilak bosturangni damrangan bariengaha aro neng∙nikanikode mongsongbate kangal manderangsa man∙batenga ine parakataenba jegalaniko lekka paltakrango see damrangko komiatchina dabiangaha. Story 2 Meghalaya ru∙utbea salrangna sengsoe dongengipa gital Mairang district- ko November jani 5 tariko parakatani jaman man∙aha. Meghalaya-ni cabinet political department-ni Mairang civil sub division-ko gital district-ona ra∙dochina proposal on∙gipako rachangangaha ine songbat setimgiparangna mijal attamo dakchakgipa skotong minister Prestone Tynsong parakataha. Ia gital districtni bimungko Eastern west Khasi hill ine bimung dongen aro iako rebaenggipa November 10 tariko oprakatniko dakanggen ineba Tynsong parakataha. Ia gital songna amenggipa district-ko channede da∙o Meghalaya a∙doko chu∙gimik dam 12 districtrang dongginok. Uarangara West Jaintia, East Jaintia Hills District, East Khasi Hills, West Khasi Hills, South West Khasi Hills, Ri Bhoi, North Garo Hills, East Garo Hills, South Garo Hills, West Garo Hills, and South West Garo Hills District, aro dao gital de Eastern West Khasi Hills District ong∙a. Story 3 Bye-election-o chegipa MLA sakgittam-ni Meghalaya Legislative Assembly-o ku∙mikchetani ja∙man, Rajabala constituency-ni gital MLA Md Abdus Saleh aro Mawryngkneng constituency-ni MLA Pyniaid Sing Syiem-na Shillong songjinmao donggipa NPP office-o dingtangmancha mande ra∙pilskaaniko dakangaha. NPP-ni gital MLA sakgnina mande ra∙pilskaaniko dakanio NPP-ni national president aro Meghalaya a∙dokni Chief Minister Conrad K Sangma baksana a∙dokni Deputy Chief Minister Prestone Tynsong, Rajya Sabha MP WR Kharlukhi aro Cabinet Minister Dasakhiatbha Lamare-ba dongpae bak ra∙angaha. Ia tom∙anio NPP-ni national president Conrad K Sangma jinmana aganprakangengon, skanggipa Nokgipa Isolni pattianirangna mittelpilangenba, by-election-o rakbee kamrangko ka∙ahani gimin NPP-ni dilgiparangko, NPP-na kam ka∙enggiparangko, MDA-o bakrimenggipa dolrangko, ripengskarangko aro chegipa candidate-rangni nokdangrangko mittelpilangaha. NPP-ni kosako opposition dolrang tol∙e sakkirangko on∙na jotton ka∙ahaoba manderang, uamangni tol∙pinapanirangko ma∙sie sorkarina pu∙onaha aro ian manderangni sorkarini kamo kusi ong∙enganiko mesokani ong∙a ineba Sangma aganaha.Congress dolni bilakgipa constituency damgnio skanggipa changna cheaniara altua ong∙jachim ineba ua aganaha.A∙dokni manderangna kamko ka∙anio pangnan bamgipa ong∙china aro a∙dokna dangdike on∙anio rakbate kamrangko ka∙china gitaba ua NPP-ni dilgiparangko didiangaha.Ia tom∙anio Mawryngkneng aro Rajabala-ni gital MLA sakgniba jinmana aganprakangengon, ia bye-election-o uamangko chegipa ong∙atna rakbee kamrangko ka∙ahani gimin NPP-ni national president-ko aro NPP-ni gipin dilgiparangko mittelpilangaha.