Скачать с ютуб ბადრი ჯაფარიძეს გირაო შეეფარდა в хорошем качестве

ბადრი ჯაფარიძეს გირაო შეეფარდა

ბადრი ჯაფარიძეს საქალაქო სასამართლომ აღკვეთის ღონისძიების სახით 50 000-ლარიანი გირაო შეუფარდა. გადაწყვეტილება ცოტა ხნის წინ გამოცხადდა. სხდომას ესწრებოდა თავად ბრალდებულიც. „ლელო - ძლიერი საქართველოს“ ლიდერს გირაოს შეტანის ვადად 50 დღე განესაზღვრა. ბრალდების მხარე ჯაფარიძის აღკვეთის ღონისძიების გარეშე დატოვებას ითხოვდა, თუმცა მოსამართლემ გირაოს გამოყენების შესახებ პროკურატურის შუამდგომლობა დააკმაყოფილა. დაცვის მხარე გადაწყვეტილებას სააპელაციო სასამართლოში გაასაჩივრებს. ბადრი ჯაფარიძე საქართველოს პარლამენტის დროებითი საგამოძიებო კომისიის სხდომაზე 25 მარტს ახსნა-განმარტებისთვის იყო დაბარებული, სადაც ის არ გამოცხადდა. მას ბრალდება სისხლის სამართლის კოდექსის 349-ე მუხლით წარედგინა, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს. საგამოძიებო კომისიაზე „ლელოს“ დამფუძნებლების დაბარებას წინ უძღოდა ბიზნესმენ ჯემალ ლეონიძის ჩვენება, რომლის მიხედვით, ხაზარაძე-ჯაფარიძე, როგორც „თბს ბანკის“ დამფუძნებლები, „ნაციონალური მოძრაობის“ მმართველობის პერიოდში წილების იძულებით გადაფორმების პროცესებში მონაწილეობდნენ. ამ ბრალდების საპასუხოდ, კომისიის წინაშე არგამოცხადება „ლელოს“ ლიდერებმა იმით ახსნეს, რომ მათთვის მე-11 მოწვევის პარლამენტი და კომისია არალეგიტიმურია. კომისიაზე გაჟღერებულ ბრალდებებს მათ ცილისწამება უწოდეს, პროცესები კი პოლიტიკურ დევნად შეაფასეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.