Скачать с ютуб Назарбаев зияткерлік мектебі мен ата-аналар арасында тағы да дау! в хорошем качестве

Назарбаев зияткерлік мектебі мен ата-аналар арасында тағы да дау!

Ақтаудағы Назарбаев Зияткерлік мектебінің жетінші сыныбына оқуға түсуге үмітті балалардың ата-аналары білім гранттарының қысқартылғанына наразылық білдірді. Елуден астам ата-ана облыстық әкімдік ғимаратының алдына жиналып, шенеуніктерге шағымын айтты. Сөздерінше, балалары өзге өңірдегі үміткерлермен салыстырғанда едәуір жоғары ұпай алған. Соған қарамастан білім гранты берілмей, резервке қалдырылды дейді. Зияткерлік мектеп комиссиясы мен ата-аналар арасындағы дау, енді Маңғыстау облысының әкімдігіне дейін жетті. Ғимарат алдына жиналған ата-аналар Ақтаудағы Назарбаев Зияткерлік мектебінде білім гранттарын тағайындау жөніндегі комиссия шешімін әділетсіз деп есептейді. Олар зияткерлік мектепке 7-сыныпқа оқуға түсетін үміткерлер жоғары ұпай алса да грантсыз қалды деп ашулы. Ата-аналардың сөзінше, әу баста қазақ тіліндегі сынып үшін - 96, орыс тіліндегі сыныпқа - 48 оқу гранты берілуі тиіс болған. Алайда, қазақ тілді сыныпқа - 72, орыс тілді сыныпқа - 24 грант беріліпті. АТА-АНА: – Біздің Президентіміз Қасым-Жомарт Тоқаев 2022 жыл балалар жылы деп жариялады. + Енді мына Назарбаев Зияткерлік мектебінің басшылары сол біздің Президенттің саясатына қайшы келіп отырғаны ма? Неге әділетсіз? НАЗГҮЛ ЖАЛҒАСОВА, ата-ана: – Маңғыстау облысына грант тағайындау жөніндегі комиссия орыс тіліндегі сыныптарға биыл 24 грант қана бөліп отыр, ал өткен жылы 48 грант болған. Біз балалардың грантын қайтаруды талап етеміз. Әкімдікке жиналған ата-аналардың шағымын әкім орынбасары тыңдап, бұл мәселе жөнінде Оқу-ағарту министрлігіне Ноғаевтың атынан хат жолдайтынын айтты. Сондай-ақ, министрлік өкілдерімен кездесу ұйымдастыратынын жеткізді. Ал ата-аналар Зияткерлік мектеп директорының жауабына қанағаттанбады. ӘСЕЛ БЕЙСЕМБИНОВА, Ақтау қаласындағы «Назарбаев Зияткерлік мектебінің» директоры: – Республика бойынша 2728 грант бөлінген. Грантты бөлуде 6-сыныптың оқушыларын есепке алады және қарастырады. Жалпы біздің Маңғыстаудың 6-сынып оқушылары бүкіл республиканың 6-сынып оқушыларының 4 пайызын құрайды. + 2728 гранттың 4 пайызын алсақ 109 болады. 109 дегеніміз ол 5 сыныпқа жетпейді. Яғни бізде осы 4 сыныпты ашып отыр. Ал Оқу-ағарту министрлігінің өкілдері Назарбаев зияткерлік мектептері министрлікке бағынбайтынын айтады. «Министр гранттарды тағайындау жөніндегі комиссияның төрағасы болып тарихи түрде қалыптасқан, алайда оның сыныптарға қабылдау, жинақтау және оны ашу саясатын анықтауға құқығы жоқ» деді. Сондықтан төраға қызметі қайта қаралып жатыр екен. Махаббат Нұржанқызы, Фархад Шадкам Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #НазарбаевМектебі #НИШ #грант