Скачать с ютуб ល្បែងកាយវិការ​ - ដំណើរកម្សាន្តប្រចាំឆ្នាំរបស់គ្រួសារ អិល ប៊ី អិន នៅខេត្តមណ្ឌលគីរី в хорошем качестве

ល្បែងកាយវិការ​ - ដំណើរកម្សាន្តប្រចាំឆ្នាំរបស់គ្រួសារ អិល ប៊ី អិន នៅខេត្តមណ្ឌលគីរី

៣ថ្ងៃ ២យប់ ដំណើរកម្សាន្តដ៏រីករាយរបស់គ្រួសារ អិល ប៊ី អិន នៅខេត្តមណ្ឌលគីរី ដើម្បីជាការលើកទឹកចិត្តដល់បុគ្គលិកនៅគ្រប់ស្ថាប័នទាំងអស់ កាលពីខែមុន កន្លងទៅថ្មីៗនេះ នៅថ្ងៃទី ២២ ២៣ និង២៤ ខែវិចិ្ឆកា ឆ្នាំ២០១៩ ក្រុមហ៊ុន អិល ប៊ី អិន គ្រុប ឯ.ក បានរៀបចំនូវដំណើរកម្សាន្តប្រចាំឆ្នាំដ៏ធំមួយឆ្ពោះទៅកាន់ខេត្តមណ្ឌលគីរី។ នៅក្នុងដំណើរកម្សាន្តនោះ បុគ្គលិកដែលចូលរួមទាំងអស់មានចំនួន៩៥នាក់ ពួកយើងបានបែងចែកជាពីរក្រុមធំៗ ដើម្បីងាយស្រួលក្នុងការធ្វើដំណើរតាមឡានក្រុង។ ហើយបុគ្គលិក ម្នាក់ទទួលបានខ្នើយកល់មួយទុកសម្រាប់គេង សម្រាក់ កំឡុងពេលធ្វើដំណើរតាមឡានផង និងពេលគេងនៅក្នុងតង់ផង។ ដំណើរកម្សាន្តរបស់យើងខ្ញុំ ប្រកបទៅដោយភាពសប្បាយ រីករាយខ្លាំងមែនទែន ដោយសារតែរយៈពេល៣ថ្ងៃនោះ ក្រុមរបស់ពួកយើង បានទៅកម្សាន្តនៅរមណីយដ្ឋានស្អាតៗ ជាច្រើនកន្លែង ការចូលរួមធ្វើសកម្មភាពដែលជួយដល់សង្គម និងបរិស្ថាន គឺការដើររើសសម្រាមនៅតំបន់រមណីយដ្ឋានទាំងនោះផងដែរ។ ជាងនេះទៅទៀតនោះ គឺការបានជួបជុំ ធ្វើការស្គាល់គ្នា រវាងបុគ្គលិកនៅស្ថាប័នទាំងអស់ តាមរយៈការទទួលទានអាហារពេលល្ងាច ការលេងល្បែងកម្សាន្ត និងការរាំលេងកម្សាន្តជុំគ្នា។ សកម្មភាពអស់ទាំងនេះ គឺជាបទពិសោធដ៏ល្អមួយសម្រាប់យើងខ្ញុំដែលបុគ្គលិកនូវគ្រប់ ជាន់ ថ្នាក់ទាំងអស់ ដើម្បីបង្កើនចំណងមិត្តភាព ស្រលាញ់រាប់អានគ្នាឲ្យដូចជាគ្រួសារតែមួយ ព្រមទាំងធ្វើការសហការ សាមគ្គីគ្នាឲ្យបានល្អ ដើម្បីឲ្យការងារទទួលបាននូវប្រសិទ្ធិភាព គុណភាព និងជោគជ័យទាំងអស់គ្នា ទាំងក្នុងពេលនេះ និងពេលអនាគត។ ជាចុងក្រោយនេះ យើងខ្ញុំដែលជាបុគ្គលិកបម្រើការឲ្យក្រុមហ៊ុន អិល ប៊ី អិន គ្រុប ឯ.ក គ្រប់ៗរូប សូមគោរពថ្លែងអំណរគុណដល់លោក ឧកញ៉ា លោក ជំទាវ និង លោក អគ្គនាយករង ព្រមទាំងក្រុមគ្រួសារ ដែលបានអនុញ្ញាតឲ្យមានដំណើរកម្សាន្តដ៏សប្បាយរីករាយនេះឡើងសម្រាប់ឆ្នាំនេះ។ ជាងនេះទៅទៀត យើងខ្ញុំទាំងអស់គ្នា សូមគោរពជូនពរ ដល់លោក ឧកញ៉ា លោក ជំទាវ និង លោក អគ្គនាយករង ព្រមទាំងក្រុមគ្រួសារ ឲ្យជួបតែនូវ ពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។