Скачать с ютуб أفضل نظام غذائي لإصلاح الأمعاء в хорошем качестве

أفضل نظام غذائي لإصلاح الأمعاء

من أكتر الأشياء المثيرة للدهشة بالنسبالي لما بتعامل مع أي حالة كرونز أو قولون تقرحي مثلًا، إن المريض مثلًا يبقى بقاله سنين بيتعالج بمثبطات المناعة، وعمره ما اتوصف له نظام غذائي معين يمشي عليه! بغض النظر عن رأيي في النظام ده، بس الفكرة إنه مريض بيعاني من مرض التهابي في الجهاز الهضمي وماحدش يوجهه أصلًا ياكل إيه وماياكلش إيه.. شيء غريب. فلما نيجي نتكلم عن أي مرض مناعي، وبالتحديد مرض زي كرونز، أول حاجة لازم نفكر فيها للسيطرة على المشكلة هي النظام الغذائي. إيه هو أفضل نظام غذائي للسيطرة على كرونز؟ وبلا منازع: الكارنيفور، نظام آكلي اللحوم. الكارنيفور هو نظام غذائي صارم جدًا جدًا، ولكنه فعّال جدًا جدًا جدًا. مش هكلمكم عن الحالات اللي عندي.. انتو تقدروا تدخلوا تبحثوا عن مئات وآلاف الناس اللي نظام الكارنيفور عالجهم وحل مشاكلهم. الكارنيفور هو نظام بيسمح فقط بتناول المنتجات الحيوانية: لحوم وأعضاء وشحوم الحيوانات، الأسماك، الدواجن، البيض، ومنتجات الألبان. لكن طبعًا، في الحالات دي بيمنع تناول منتجات الألبان بسبب احتوائها على اللاكتوز، ويمنع كل ما عدا ذلك. الكارنيفور بيمنع الحبوب، والبقوليات، والخضروات، والفواكه، وكل الأطعمة النباتية، لأن كل الأنواع دي من الأطعمة بتحتوي على الألياف وأنواع من البروتينات اللي ممكن تسبب التهاب وتهيج الجهاز الهضمي. إلى جانب إن مرضى كرونز أصلًا جهازهم الهضمي مابيقدرش يهضم الألياف دي ولا يتحملها. بص كده على نتايج تحاليل براز أي مريض كرونز، هتلاقيه مابيهضمش ألياف أصلًا. عارف السؤال والله.. "أيوة بس ده نظام صارم جدًا، إزاي أكمل عليه بقية حياتي؟" مش مطلوب تكمل عليه بقية حياتك.. مطلوب تستمر عليه لمدة تتراوح بين 3 لـ9 شهور، لكن لا تقل عن 3 شهور.