Скачать с ютуб 如何養成良好的習慣？（第二集）- 66日對培養習慣的重要性 в хорошем качестве

如何養成良好的習慣？（第二集）- 66日對培養習慣的重要性

上集概要 仲記唔記得上次建立習慣既三步曲呢？分別就係提示、行為同埋獎勵。 要理解哩三步曲同埋明白自己不知不覺間形成既習慣好簡單，不過如果講到真係要培養一個習慣出黎，就可易可難啦。 你可能會諗：咁你咪自相矛盾咯! 66日 其實，一個習慣平均需要用66日去培養，而且越係複雜既習慣，就需要越多既時間去培養。而哩啲花時間培養既習慣通常對你都有好大既幫助既，例如每日學習、溫故知新哩種習慣，係要花好多人力同埋決心先可以做到，不過對你既幫助就好大啦；相反，碌手機哩種習慣好容易你一悶就做，唔需要花好多時間去培養，一定唔使66日添，但係佢對你既幫助就唔係好大啦。 培養習慣的幾個階段 培養習慣就好似學跑馬拉松咁, 有幾個階段。 當不嬲都唔做運動既你係開始訓練既時候, 跑下跑下，個肚腩又鄧下鄧下，你會不斷喘氣, 覺得好辛苦。一開始要刻意咁改變自己既思想, 會一邊覺得好熱血咁堅持跑姿同埋速度, 一邊個腦又會不斷浮現放棄既念頭。呢一刻跑步對你黎講係好刻意同唔自然既。 之後,可能會有教練或者家人同你講, 或者無論玩咩活動都好, 都要持之以恆先可以保持狀態。教練對你講既呢一番話就好似三部曲裡面之前所講既提醒, 所以你會有一段時間繼續跑, 因爲你既身體開始適應, 潛意識對哩樣運動既抗拒就越嚟越少啦。呢一刻跑步對你黎講雖然仲係刻意既，不過已經變得自然左。 去到66日之後, 你可能會感覺到做運動既好處, 或者你可能已經會不自覺咁每日預留時間去做運動, 黎個就變左係一個唔需要刻意提醒, 運動已經成為你人生既一部分。 恭喜你啊, 如果係咁傢話就培養到一個好既習慣啦! 形成好習慣的三個主要挑戰 其實當要形成一個好既習慣會面對好多唔同既落差，同埋三個主要既挑戰。第一個，就係你身邊既電子儀器啦，屏幕既內容同埋特效都太過吸引，你根本唔需要點努力就可以長時間咁對住部電話，結果冇時間去做自己真係想做既野。 之後既兩個原因，都係同自己既心態有關既：首先呢，就係對未來既自己太大期望啦，就好似你就好似你將今日既功課推比之後既你做，點知發覺唔夠時間，唯有求其搞掂佢咁。要明白如果你宜家唔作出改變，或者開始早一步先，聼日、後日，個天都唔會無拉拉將你變成一個更好既人，所以唔好對未來既自己太大期望。由呢一刻起開始做好。 而另外一個原因呢，就係低估左宜家既你。你可能會覺得開始一個習慣好難好難，或者見到隔黎既學霸就覺得自己根本無可能會做到，之後就會胡思亂想，但係其實只要你冷靜落黎，就知道哩一切都係幻想。學習其實都可以好有成功感既。 總結 面對落差、同埋挑戰既時候。點解明知道堅持培養一個習慣唔簡單, 你都要繼續呢? 你既初衷係咩?係為咗自己? 為咗其他人既期望？點解你又會睇呢片文章呢？ 唔知大家仲記唔記得呢一句名言:"習慣既力量係巨大既。" 世上係無免費午餐㗎，你要經歷頭先既高低起伏, 先會培養到習慣。 今次瞭解到培養習慣既過程同埋挑戰，而下一片文章呢我地就會將結束習慣既三部曲，講埋培養習慣既提示，下集再見啦! 想再知多啲？係以下途徑睇多啲我地嘅資訊啦~ :D 👉 訂閲我地個YouTube channel    / @accelysthk2015   👉 跟蹤我地個IG instagram.com/hklimitless/ 👉 讚好我地個Facebook page facebook.com/LimitlessHKorg/ 👉入黎睇我地個網站 limitlesshkorg.wordpress.com/ Music: https://www.bensound.com/royalty-free...