Скачать с ютуб 時勢造英雄 大鴻輝打敗99.9%發展商 ｜九記牛腩 ｜大鴻輝｜梁紹鴻｜大鴻輝興業｜ в хорошем качестве

時勢造英雄 大鴻輝打敗99.9%發展商 ｜九記牛腩 ｜大鴻輝｜梁紹鴻｜大鴻輝興業｜

尋日挑起條引想食吓放題，又唔想去到九龍咁遠，又唔想同五一嘅自由行逼，卒之去咗荃灣放題集中地大鴻輝中心揾食。 點解我會去大鴻輝呢，呢度放題，酒樓同打邊爐呀乜都有。 大家嘅生活模式唔同晒，食飯前例牌都上吓網，睇吓youtube，睇吓食評啦，舖頭啲餐廳吸唔吸引，你知啦，香港人每洗一蚊都計過㗎嘛，宜家食嘢唔係味道行先，係以打卡，叫到成枱都係嘢影張相握like行先 就係呢啲行為造就咗好多Foodie。有啲話自費食評，有啲第二日又話被邀請試菜，係真係假冇乜所謂，去到好食就得。 之前有單點Cook guide嘅Martin同文苑飯莊鬧出嘅不快事件，早兩日又有九記牛腩同youtuber因為拍片嘈交單嘢，攪到又唔比走又報警。大家都係揾食啫，咁火 把Q咩。食碗牛腩麵都搞到神增鬼厭。大把地方好食啦。例如喺佐敦嘅澳門清湯腩，就算新龍清湯腩都ok㗎，起碼唔使咁貴。 我就未食過九記牛腩，可能我個人比較孤寒，二百三十蚊食一碗牛腩，大把可以選擇，可必要貼錢買爛受。 不過，話時話，做youtuber或其他社交媒體，我認為如果真係要拍，咪問一聲囉， 免卻好多不必要麻煩。 雖然有好多食肆會好歡迎有人探店，好似幫人免費宣傳。但有時，店內員工又未必願意出鏡，所以問一聲都係一個禮貌。而去到九記呢啲咁極端嘅，你老哥亦都可以係門至方圓一里，放個易拉架話比所有人類知你間九記牛腩唔比拍，拍咗送官究治，咁你咪唔使你慶到報警，人哋又嬲爆爆嘅局面囉。 咁大家又知唔知大鴻輝嘅歷史呢？ 大鴻輝位置係沙咀道同眾安街交界，未起商廈前呢度係大光明戲院，斜對面鹹田街仲有間好景戲院，即係宜家渣打銀行位置。大光明戲院喺1991年改建為荃灣娛樂廣場， 九四年，英皇集團主席楊受成以9.55億元向五礦建設購入荃灣娛樂廣場，改名為英皇娛樂廣場，真係以魚樂為主，有波樓，仲有當時好興卡拉ok，有neway, 加洲紅乜都有。 香港呢幾十年, 都真係有好多人買吓舖啊 買吓商廈噉致富嘅。 好多人都因為噉比人叫做舖王。 有過咗身嘅鄧成波波叔啦， 近排輸得好金嘅李根興啦，高級版仲有湯文亮。尤其呢上年到宜家，商舖寫字樓個個比人call loan call到暈，蝕賣個案就頻頻出現。當你手揸有幾千萬，又想變幾億，有幾億又想加多個幾個零係後面。最後搞到要設靈，都唔知為乜。老實講，如果我好似波叔咁有錢，仲搞咁多嘢做乜。唔知點解個個好多人都有條癮，係要做酒店大亨， 係要做地產大亨。 唉！ 啲電視劇真係累死人，教壞人啊。 呢個世界梗係有例外㗎嘛？ 講返少少大鴻輝資料吖。 大鴻輝荃灣中心嘅前身就係英皇娛樂中心， 不過你哋大家一定認為大鴻輝梗係成棟買咗。 錯嘞，我講你聽，其實只係買咗由地庫兩層去到3樓，總共5層。 而大紅輝同英皇娛樂買埋個命名權，所以係2012年，就直接將大廈由英皇娛樂改埋名叫大鴻輝荃灣中心嘞 大鴻輝又係乜水呢？ 唔知大家知唔知，大鴻輝喺個投資界都係叫舖王嘅，佢嘅實力都好雄厚㗎。 大鴻輝嘅創辦人叫做梁紹鴻。 點解佢咁把炮呢，可以做到間咁出色嘅投資公司。 咁就要由佢爸爸講起嘞, 佢爸爸叫梁顯利，喺怡和係個好出色嘅買辦。 而佢亦都係置地嘅董事，所以呢，佢哋個來頭真係唔講得笑。可惜梁顯利喺 梁紹鴻九歲時已經過世 。 梁紹鴻 七五年去咗加拿大讀大學主修電腦，畢業之後就返嚟香港，而佢亦唔打算做二世祖， 反而去其他公司由低做起。 差唔多去到九十年代尾。成立咗大鴻輝興業嘅，直到當時個地產市道低迷，正直98年金融風暴，再經歷科網股爆破，去到零三年嘅沙士時，大紅輝興業就密密噉買咗好多價錢好低殘嘅地舖，就係咁樣致富嘅。 佢嘅主要業務呢包括就係投資地產外滙。 當時地產市道，經濟都一齊起飛，當然絕對受惠物業增值啦。 之後更加發展多元化業務， 例如零售啦，辦公室啦，工地生產，停車場同埋酒店。 而酒店管理嘅業務更加發展到海外。呢方面呢 我就做咗個表。 一陣間你哋可以暫停慢慢睇。 佢將大鴻輝興業發展成一個綜合企業 梁紹鴻今年係福布斯嘅香港富豪榜仲要排行31，跌咗少少。佢大約嘅總資產都有200億港元嘅，不過一間冇上市嘅公司，俾你睇到嘅都係面嗰浸啫。近年大鴻輝出手都勇猛㗎，同阿波叔個孻仔就冇得揮，始終薑係老嘅辣，火候十足啲。 2018年大鴻輝興業喺西環海味街，不停大批收購舊樓業權，為咗統一業權呢，出手都幾闊綽，差唔多平均都要兩萬三蚊一尺，之後就公布咗成個project計劃，興建一個26層嘅甲級寫字樓，仲要係無敵海景寫字樓，我就有幾幅相，上年年尾影我專登過去上環影嘅，估計而家地盤大致上都起咗有一半㗎喇。 老實講，而家建築業嘅冰河時期，個個都打算停工啦，但大鴻輝就不停加快趕工喎。定係西環真係噉有需要呢個寫字劉呢？ 不過聽啲航內人講，呢個甲級寫字樓已經比多個中資公司表示係有興趣嘅，不過起碼要到下年先會起得成㗎啦，到時嗰需求又點呢？ 啱啱睇返整體寫字樓空置率，3月底升至13.7%，中環甲級就大約11.5%，而大紅輝呢個甲級寫字劉又唔算方便。 租務上都幾難預料。 早兩日去咗四叔嘅展覽，行出個露台睇吓整片中環環境， 個天又灰矇矇， 真係有啲稀虛。近排又話謝霆鋒攪完啟德演唱會，啲官話盛事經濟掂嘞， 係咪㗎？ 噉犀利？ 日日搞啦笨。 我嗰日睇完嗰展覽，行咗去威靈頓街，過咗中環行人電梯嗰段，間間食市小店兩成人都冇，四點喎。 我最後簡咗間冇人嘅，拍烏英嘅米線小店幫襯。下午茶，埋單要65蚊，真心有啲貴。 #九記牛腩 #贏咗99%香港人 #點cookguide #梁紹鴻 #大鴻輝 #鄧成波 #李根興 #湯文亮