Скачать с ютуб “Migrantlar solig‘i” mojarosi yohud saylovoldi tomosha “qurboni” в хорошем качестве

“Migrantlar solig‘i” mojarosi yohud saylovoldi tomosha “qurboni”

24 октябрь куни ўтадиган президент сайловида Миллий тикланиш партиясидан номзод Алишер Қодировнинг мигрантларни солиққа тортиш ҳақидаги таклифи тармоқларда ўзбек меҳнат муҳожирларининг нороизилиги ва ғазабнок чиқишларига сабаб бўлди. Бундан аввал ҳам қатор зиддиятли чиқишлари билан танилган Миллий тикланиш партияси етакчиси 14 октябрь куни Наманган вилоятидаги сайловчилар билан учрашувида мигрантларни, ўз таъбирича, ватанпарвар бўлишга чақирди. Унинг иддао қилишича, мигрантлар юборган пуллар уларнинг оилаларига фойда келтирмоқда, мамлакат тараққиётига эмас. Президентликка номзодлар орасида фақат амалдаги президент Шавкат Мирзиёевни ўзига рақиб деб билишини айтган Алишер Қодировнинг баёноти танқидчилар томонидан "унинг рейтингини тушириш учун қилинган ҳаракат" ҳам деб баҳоланди. Ижтимоий тармоқларда “Миллий тикланиш” лидерининг сўзлари муҳожирларнинг кўплаб танқидий чиқишларига олиб келди. Айримлар сайловларда сохта рақиб ролини ўйнаётган ва бундан аввал ўзбек тили тарғиб қилинган тарғибот баннери билан сайловчилар эътиборини тортган Қодиров атайин шу каби баёнот билан чиққан бўлиши мумкинлигини ҳам тахмин қилишди. *** 24 oktyabr kuni o‘tadigan prezident saylovida Milliy tiklanish partiyasidan nomzod Alisher Qodirovning migrantlarni soliqqa tortish haqidagi taklifi tarmoqlarda o‘zbek mehnat muhojirlarining noroiziligi va g‘azabnok chiqishlariga sabab bo‘ldi. Bundan avval ham qator ziddiyatli chiqishlari bilan tanilgan Milliy tiklanish partiyasi etakchisi 14 oktyabr kuni Namangan viloyatidagi saylovchilar bilan uchrashuvida migrantlarni, o‘z ta’biricha, vatanparvar bo‘lishga chaqirdi. Uning iddao qilishicha, migrantlar yuborgan pullar ularning oilalariga foyda keltirmoqda, mamlakat taraqqiyotiga emas. Prezidentlikka nomzodlar orasida faqat amaldagi prezident Shavkat Mirziyoevni o‘ziga raqib deb bilishini aytgan Alisher Qodirovning bayonoti tanqidchilar tomonidan "uning reytingini tushirish uchun qilingan harakat" ham deb baholandi. Ijtimoiy tarmoqlarda “Milliy tiklanish” liderining so‘zlari muhojirlarning ko‘plab tanqidiy chiqishlariga olib keldi. Ayrimlar saylovlarda soxta raqib rolini o‘ynayotgan va bundan avval o‘zbek tili targ‘ib qilingan targ‘ibot banneri bilan saylovchilar e’tiborini tortgan Qodirov atayin shu kabi bayonot bilan chiqqan bo‘lishi mumkinligini ham taxmin qilishdi. Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor | #Ozodlik #Migrant #Qodirov