Скачать с ютуб Paşinyanı siyasət səhnəsi alqışsız yola salır в хорошем качестве

Paşinyanı siyasət səhnəsi alqışsız yola salır

Neqativ Top-5-mizdə 4-cü sima – Paşinyan və komandası. Onun üçün il belə başlamışdı, belə bitdi. İkinci şəkildəki vəziyyətə gələnə qədər çox proses yaşandı. Paşinyan 1 il əvvəl Azərbaycanın ərazi bütövlüyünü tanıdığını demişdi. Bu il isə separatçı qurumun müstəqilliyini təbrik etdi. İrəvan sülh şansını bu il də itirdi. Halbuki 2023-cü il sülh danışıqları baxımından məhsuldar idi. Vasitəçilərin sayı da artmışdı. Rusiya və Avropa İttifaqının bacarmadığını Vaşinqton etmək istəyirdi. Az qala hər fəsil görüşlər baş tuturdu. Payızın gəlişi ilə danışıqlarda da xəzan başladı. Paşinyan üzü küləyə gedirdi. O külək isə hər şeyi sovururdu. Dünənə qədər Rusiyaya qardaş deyən ermənilər bu il onu bacı ilə əvəzlədilər. Bu dəfə erməni rəsmilər Fransanın marionetinə çevrildilər. Parisin BMT Təhlükəsizlik Şurasında Azərbaycan əlyehinə təşəbbüsləri fayda vermədi. Qərbin hər keçən gün Bakıya artan təzyiqləri də nəticəsiz qaldı. Bakı hiylələr üzərində qurulan görüşlərdən imtina edirdi. İl ərzində Ermənistan tərəfinin yeganə pozitiv qərarı Azərbaycanla birbaşa razılaşma oldu. Bir neçə ay əvvəl Paşinyan “Tarixə necə düşməyim onu kimin yazmasından asılıdır” demişdi. Paşinyan ermənilər üçün tarixdə necə qalacaq deyə bilmərəm. Amma siyasət səhnəsi onu bu il də ən zəif aktyor kimi alqışsız yola salır. Bizi İzləyin: Whatsapp: https://whatsapp.com/channel/0029Va8Q... Facebook:   / ictimai.tv   Instagram:   / ictimaitv.official   Teleqram: https://t.me/tvictimai Sayt: https://itv.az/ Copyright © İCTİMAİ TV #itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #kefşet