Скачать с ютуб 肥媽宴請中聲家族慶功 劉洋金凱成拉姑新寵輝智有醋意 в хорошем качестве

肥媽宴請中聲家族慶功 劉洋金凱成拉姑新寵輝智有醋意

肥媽宴請中聲家族慶功 劉洋金凱成拉姑新寵輝智有醋意 肥媽 作為中聲家族嘅大家長，每年都會喺節目完結後相約畢業生慶功，呢晚肥媽就宴請中三生同頭兩季畢業生，以及主持、導師、評審同幕後同事食返一餐。而《中聲》忠粉狄波拉、陳淑芬亦係座上客。 肥媽喺席上特別感謝娛樂新聞台一直緊貼報道中聲嘅動向，更拖實我哋到場嘅主播 潘盈慧 ，感謝採訪隊無論節目錄影時間幾長，都全天候記錄節目花絮，喺推廣《中聲》應記一功咁話。 《中聲》忠粉嘅拉姑亦相當投入節目，仲話每個星期日都急不及待收睇直播，緊貼戰情。拉姑仲坦言自己睇到熱血沸騰，邊睇邊為選手評分。 眾所周知拉姑喺上季最愛嘅選手係譚輝智，但係隨住第三季出現咗劉洋同李金凱，拉姑就似乎有啲變心，仲坦言金凱激起自己嘅照顧慾，一直好希望每次錄影時可以衝入電視城，在旁照顧金凱，擔心對方會遇到飲食、如廁唔方便等問題。亦擔心金凱過份受傳媒關注會引來不良影響。 拉姑仲話後來發現金凱唔只可以照顧自己仲越戰越勇，令佢相當佩服。而劉洋就對拉姑表達遺憾，因為要為節目綵排未能入場欣賞謝霆鋒嘅香港演唱會，拉姑即時派定心丸表示仲有機會。 見到拉姑非常關心兩位新寵，輝智就即時表現有啲呷醋，大爆拉姑成個月冇聯絡佢，仲話佢致電拉姑時，拉姑以一句「你係邊位」回應，令佢相當失落。 肥媽除咗準備大餐之外，亦準備自己出品嘅曲奇、蝴蝶酥同無糖月餅，令英國來港嘅占士丁丁回味無窮。眾人食飽後一齊Jam歌跳舞狂歡，顏米羔更導演上身拎起我哋嘅攝影機幫手拍攝，分別被封為兩屆中聲舞王嘅輝智同劉洋更首度一齊合作跳唱快歌，全場陷入瘋狂狀態。 而肥媽亦提到希望每一季都繼續請客慰勞台前幕後之外，亦希望透過飯局令三季嘅朋友聯誼一下，雖然第三季完結令大家好唔捨得，不過又代節目組呼籲大家報名第四季。《中聲3》亞軍張與辰嘅家人包括姐姐同媽咪都係唱得之人，與辰亦有鼓勵兩位參加《中聲4》，但係媽咪同家姐都怕醜唔敢參賽，只想做觀眾。 #中聲家族 #中年好聲音 #肥媽 #Maria Cordero #張與辰 #黃博 #劉洋 #李金凱 #劉威煌 #狄波拉 #陳淑芬 #李麗霞 #占士丁丁 #支嚳儀 #劉威煌 #車婉婉 #韋綺姍 #潘盈慧 #謝霆鋒 #我恨我痴心 #周吉佩 #顏志恒 #張佳添 #周國豐 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0