Скачать с ютуб គន្លឹះប្រាំពីរចំណុចជួយឱ្យកុមារចូលចិត្តរៀនសូត្រ តាមរយៈសកម្មភាពចូលរួមពីម្តាយឪពុក в хорошем качестве

គន្លឹះប្រាំពីរចំណុចជួយឱ្យកុមារចូលចិត្តរៀនសូត្រ តាមរយៈសកម្មភាពចូលរួមពីម្តាយឪពុក

ការសិក្សាបានបង្ហាញថា កុមារម្នាក់ៗសុទ្ធតែមាន សក្តានុពលខ្ពស់លើការសិក្សាមុខវិជ្ជាគណិតវិទ្យា សិល្បៈ វិទ្យាសាស្ត្រសង្គម ព្រមទាំងគំនិតច្នៃប្រឌិតជាច្រើនផ្សេងៗគ្នា។ ប៉ុន្តែមិនមែនគ្រប់កុមារទាំងអស់សុទ្ធសឹងតែមានសក្តានុពលទាំងនេះទេ គឺពឹងអាស្រ័យលើភាពឆ្លាតវៃរបស់កុមារ និងការដឹកនាំរបស់ម្តាយឪពុកបន្ថែម។ ខាងក្រោមនេះ ជាគន្លឹះសំខាន់ប្រាំពីរចំណុចជួយឱ្យកុមារចូលចិត្តសិក្សាតាមរយៈជំនួយពីម្តាយឪពុក។ ១. បង្កើតបរិយាកាសរីករាយនិងកក់ក្តៅនៅក្នុងគ្រួសារ៖ កុមារគ្រប់រូប ត្រូវការក្តីស្រឡាញ់ ពីម្តាយឪពុកគ្រប់ពេលវេលា ។ អ្វីដែលកុមារត្រូវការគឺ ទំនុកចិត្ត ភាពកក់ក្តៅ ការថ្នាក់ថ្នម ជាដើម។ ទង្វើវិជ្ជមានទាំងនេះ នឹងជួយឱ្យកុមារក្លាយជាក្មេងល្អដោយមិនដឹងខ្លួន ហេតុនេះហើយចំណងទាក់ទងស្និទ្ធស្នាលនៅក្នុងគ្រួសារមានឥទ្ធិពលយ៉ាងខ្លាំងដល់ការសិក្សារបស់កុមារ។ ២. ផ្តល់អាហារូបត្ថម្ភត្រឹមត្រូវដល់កុមារ៖ របបអាហារត្រឹមត្រូវ និងអាហារូបត្ថម្ភ គឺខុសពីអាហារដែលធ្វើឱ្យកុមារឆ្អែត ឬមិនឃ្លាន។ វ័យកុមារត្រូវតែទទួលបានអាហារសរីរាង្គ មានដូចជាបន្លែ ផ្លែឈើស្រស់ និងជៀសវាងអាហារណាដែរមានសារជាតិប្រៃពេក ផ្អែមពេក ភេសជ្ជះកំប៉ុង និងអាហារមានខ្លាញ់ច្រើនដូចជាអាហារបំពងគ្រប់ប្រភេទ (Fast food) ។ ការផ្តល់អាហាររូបត្ថម្ភត្រឹមត្រូវដល់កុមារជួយពង្រឹងប្រព័ន្ធភាពសុំា និងគាំទ្រដល់ការអភិវឌ្ឍន៍ខួរក្បាលរបស់កុមារ។ ៣. ជំរុញឱ្យមានចលនា និងការហាត់ប្រាណឱ្យបានទៀងទាត់៖ កុមារមានវិចារណញ្ញាណពីធម្មជាតិក្នុងការអង្កេតនិងស្វែងយល់ពីទំនាក់ទំនងរវាងសកម្មភាពនិងការគិតរបស់ពួកគេ។ កាលណាម្តាយឪពុកព្យាយាមជំរុញឱ្យកុមារមានសកម្មភាពរាងកាយ នោះគំនិតច្នៃប្រឌិតរបស់ពួកគេនឹងកើតឡើងជាបន្តបន្ទាប់ ព្រមទាំងអាចជួយឱ្យកុមារមានទំនាក់ទំនងល្អជាមួយមនុស្សជុំវិញខ្លួន។ ៤. បំផុសឱ្យកុមារធ្វើសកម្មភាពល្អៗ ៖ នៅពេលកុមារធ្វើសកម្មភាពអ្វីមួយ សូមកុំផ្លាស់ប្តូរវាភ្លាមៗបន្ទាប់ពីធ្វើបានពីរបីនាទី តែផ្ទុយទៅវិញត្រូវបំផុតសគំនិតវិជ្ជមានជំរុញការអនុវត្តរបស់ពួកគេឱ្យបានច្រើន និងធ្វើឱ្យកាន់តែល្អប្រសើរបន្តិចម្តងៗ។ ចំណុចនេះកុមារនឹងរីករាយពេលដែលធ្វើអ្វីមួយបានល្អឥតខ្ចោះ ធ្វើដើម្បីទទួលបានបទពិសោធន៍ផង បង្កើនការចងចាំផង ពង្រឹងស្មារតី និងផ្តោតអារម្មណ៍លើកិច្ចការបានល្អ។ ៥.ចំណាយពេលវេលាជាមួយកូន ៖ ម្តាយឪពុកត្រូវប្រើប្រាស់ពេលវេលាឱ្យមានតម្លៃក្នុងបុព្វហេតុបណ្តុះបណ្តាលកូន។ ត្រូវគ្រប់គ្រង់លើពេលវេលាប្រចាំថ្ងៃផ្ទាល់ខ្លួនឱ្យបានល្អ បង្កើត ឬអានរឿងនិទានសម្រាប់កូន និងចូលរួមយ៉ាងសកម្មភាពជាមួយកូន។ កុមារតូចៗដែលមានសមត្ថភាពស្តាប់បាន តែងតែចូលចិត្តរៀនតាមរយៈរឿងនិទាន ស្តាប់ចង្វាក់ភ្លេង ច្រៀងចម្រៀង គូរគំនូរ ចម្អិនម្ហូប ដេរប៉ាក់ ហើយសមត្ថភាពនៃការគិតរបស់ពួកគេអាចអភិវឌ្ឍបានយ៉ាងល្អតាមរយៈការលេងកីឡា។ ៦. បង្រៀនកូនកុំឱ្យប្រញាប់ប្រញាល់ ៖ ជំហានដំបូងកុមាររៀនតាមរយៈរបស់ដែលមាននៅជុំវិញខ្លួនពួកគេ ដូចជា ផ្កា សត្វ ដុំថ្ម និងរបស់ជាច្រើនទៀត។ ពួកគេលេងបណ្តើរ រៀនកត់ចំណាំបណ្តើរ និងចាប់ផ្តើមគិតស្រមើស្រមៃរូបភាពផ្សេងៗក្នុងពិភពលោក។ ដំណាក់កាលនេះម្តាយឪពុកមិនត្រូវបង្ខំឱ្យកុមារដឹងគ្រប់រឿងនោះទេ ដោយសារកុមារអាចទទួលយកចំណេះ និងយល់ពីរូបភាពអ្វីមួយតាមអាយុរបស់ពួកគេ។ ៧. ស្តាប់និងលើកទឹកចិត្តកូនដោយវិជ្ជមាន ៖ កូនតូចរបស់អ្នកតែងព្យាយាមនិយាយប្រាប់អ្នកពីអ្វីដែលពួកគេបានឃើញ។ សកម្មភាពនេះម្តាយឪពុកនឹងហត់ឆ្លើយតប ឬធុញទ្រាន់សំណួរដដែលៗរបស់កូន ប៉ុន្តែចំណុចល្អមួយពេលនេះត្រូវនៅក្បែរ ឆ្លើយសំណួរ និងលើកទឹកចិត្តកូនឱ្យរក្សាគំនិតវិជ្ជមានជាប់ជានិច្ច។