Скачать с ютуб Օրոր / Oror - Nairyan Vocal Ensemble в хорошем качестве

Օրոր / Oror - Nairyan Vocal Ensemble

Ըստ հետազոտությունների Հայաստանում, յուրաքանչյուր 100 աղջկա դիմաց ծնվում է 114 տղա երեխա, որը համեմատելի է Չինաստանի և Հնդկաստանի որոշ նահանգների հետ։ Ընտանիքները գերադասում են տղա երեխային, որպես գերդաստանի շարունակող, ժառանգության կրող և սոցիալապես ակտիվ անձի։ Աղջիկ երեխայի ծնունդը հաճախ կապվում է հոգսերի, իսկ տղա երեխայինը՝ ուրախության հետ։ Պատմականորեն հայ ընտանիքը մտահոգվել է աղջիկ երեխայի ապագայի համար, հատկապես այն պատճառով, որ ապրելով մահմեդական միջավայրում գեղեցիկ աղջիկները առևանգվում էին։ Իսկ տղաները ցանկալի էին, քանի որ նրանք աշխատող ու կռվող ձեռք էին։ Հաճախ իրավիճակային վախերը վերածվում են ավանդույթի, այս առումով սոցիալական նորմեր փոխելը բարդ է, բայց հնարավոր, եթե վերլուծենք դրանք, հասկանանք խորքային պատճառները։ Մինչդեռ մի բան շատ հստակ է․ երեխայի ու մոր միջև եղած ամուր կապը, սերը սեռով պայմանավորված չէ։ Երեխան երեխա է, կապ չունի՝ աղջիկ է, թե տղա։ Երեխան պարգև է և որպես պարգև էլ պետք է ընկալել։ Օրոր, նանի, քունդ խաղաղ թող լինի․․․ Թող բոլոր երեխաներն առողջ լինեն, երջանիկ, անհոգ։ Ներկայացնում ենք ավանդական օրորոցայիններից մեկը, մշակումը՝ Ս․ Աղաջանյանի։ Հիշեցնենք, որ 2020 թ․ հունվարի 1-ից մենք մեկնարկել ենք «Երգը հանուն իրավունքի» ծրագիրը։ Ծրագրին առաջի փուլի ընթացքում մենք ներկայացանք «Համարձակ եմ» հեղինակային երգով և համանուն համերգով։ Ծրագրի երկրորդ փուլը կրում է «Օրոր, նանի» խորագիրը։ Ծրագրին աջակցում է Բաց հասարակության հիմնադրամներ-Հայաստանը։ #Օրոր #Նաիրյան #Երգը_հանուն_իրավունքի #երեխան_երեխա_է #օրորնանի