Скачать с ютуб شوف قصتي : نهار وليت حازق صحابي قلبو عليا وجههم в хорошем качестве

شوف قصتي : نهار وليت حازق صحابي قلبو عليا وجههم

#شوف #قصتي تقترح عليكم قصص #واقعية و قصص #حقيقية لأشخاص راسلونا بش نحولو تجربتهم لقصة #مصورة. هاد قصة شاب كان عايش فمستوى عالي . ولكن نهار الأب ديالو علنو افلاس الشركة ديالهم كلشي صحابو قلبو وجههم عليه ... _ _ _ _ _ _ __ _ _ _ _ _ _ __ _ _ _ _ _ _ __ _ تقلبات حياتنا راسها على ساسها من بعد ماخسر الواليد الثروة ديالو كامل وقوات علينا. وهدي قصتي ملي كنت صغير كنت عايش حياة ساهلة و مفششة بزاف و كان الوليد تيوفر ليا كلشي لي بغيت حوايج العاب. وكنت تنقرا فواحد المدرسة خصوصية غااالية وبطبيعة الحال ماكنتش مسوق لقرايا. وعلاش غادي نتسوق؟ كان واحد معلم تايدير ليا الدروس الخصوصية وتيتكلف بكلشي. ماكانوش والديا تايخبيو حبهم ليا حيت كنت بوحدي لي عندهم دكشي لاش كنت مفشش وكانو عندي بزاف ديال الصحاب فالمدرسة و حتى ف الclub. ورث الواليد الثروة ديالو من جدودي ولكن مع الوقت بدات الشركة ديالنا كتعاني عجز مادي حتى درنا فاييت واضطرينا اننا نبيعو كلشي باش يالله نخلصو كريدياتنا. ماتسوقتش لهاد changement وخا بان ليا الواليد تبدل بزاف و كيعاني ولا ديما ساكت. ولكن كان مصر اني نكمل قرايتي فنفس المدرسة وخا غالية دكشي لي خلا الواليدة تعول على راسها اكثر فالشغل ديال الدار حيت مابقاش عندنا باش نخلصو الخدامة. كلشي عرف شوقع لينا حيت كلشي الجرا يد المحلية كتبات علينا. وملي كنت تنمشي لمدرسة كلشي تايشوف فيا ديك الشوفة ديال الشفقة خصوصا صحابي. واحد النهار كالت ليا الوليدة مابقاش عندنا باش نخلصو الشيفور و حتى المعلم ديال الدروس الخصوصية وبلي خاصني نعول على راسي اكثر ونبدا نشد توبيس. طلع ليا الدم وماتقبلتهاش. كيفاش غدي يشوفو فيا صحابي وانا خارج من توبيس؟ كلشي غدي يضحك عليا و يتشفا فيا. ولكن معنديش le choix. حتى قرايتي كانت غادا و تاتكفس وكنت تنجيب نقط طايحة بزاف والواليد ولا ديما تيغوت عليا باش نعتامد على راسي ونزير راسي اكثر. طلب مني نتقبل الواقع ديالنا الجديد ومنتسوقش للهضرة ديال بنادم ولكن ماكانش هدشي ساهل. مع الوقت ولاو كاع صحابي تايحشمو يتافيشاو معايا وولاو كاملين تايهربو مني ويتفاداوني. مابقاوش تايعيطو ليا باش نمشي معاهم لclub حيت مابقاوش عندي لفلوس لبحال هاد لعيبات. نهار ل anniversaire ديالي تقاتل الواليد باش يدير حفلة على قد الحال وعيطت لكاع صحابي. ولكن المفاجاة تا واحد ما حضر. بقا فيا الحال بزاف حيت عمرني زكلت شي anniversaire وكنت تنجيب اغلا كدوات. الغد ليه مشيت المدرسة وماحاشيتها لتاواحد فصحابي حيت عرفت بلي كان جامعنا غير الفلوس والمصلحة. دخلت القسم ودارباني النفس باش نتبدل. درت بزاف ديال لeffort اكثر من جهدي وكنت مركز اكثر في القسم هاد المرة. ملي عطيت تيساع لصحابي ولا عندي بزاف الوقت باش راجع راسي و نستمتع بابسط الحوايج فالحياة. وليت تنعاون الوليدة فالشقا وكان تايعجبها نبقا مونسها فالدار النهار كامل. وليت تنبغي ندير اي حاجة تاتفرح والدي وتقربني منهم اكثر دكشي لاش قررت ندير مجهود اكبر فالقراية و niveau ديالي تزاد بزاف ولا لواليد فرحان بالنقط لي تنجيب و ديما راضي عليا ملي لاحظ الواليد بلي مابقاوش عندي الصحاب جاب ليا كليب باش يونسني. كنت فرحان بزاف ولي جاني فشكل هو اني اكتشفت بلي الكلب صدق اوفا من الصحاب ديال جدريال. واخا الظروف لي تندوزو منها وليت ايجابي بزاف وتنشوف غير الحوايج الزوينة فالحياة. شحال هادي كان الواليد تيعوض الغياب ديالو فالدار بالفلوس والكدوات اما دابا ولا ديما معانا فالدار وقريب منا. و استنتجت بلي اغلى حاجة يمكن يعطيها لك شي حد هي وقتو واهتمامو والتواجد ديالو بجنبك. _ _ _ _ _ _ __ _ _ _ __ _ __ _ _ _ مازال ماشتركتي فالقناة يوتوب ؟ هاهو رابط الاشتراك : http://bit.ly/chtirak بغيتا تابعنا على فيسبوك ؟ هاهو رابط الحساب : http://bit.ly/choof9issti