Скачать с ютуб တပ်ဆယ်လီ ဒုတပ်ကြပ် ရာဇာထက် CDF CDM Siyin အဖွဲ့ဆီ အလင်းဝင် в хорошем качестве

တပ်ဆယ်လီ ဒုတပ်ကြပ် ရာဇာထက် CDF CDM Siyin အဖွဲ့ဆီ အလင်းဝင်

တပ်ဆယ်လီ ဒုတပ်ကြပ် ရာဇာထက် CDF CDM Siyin အဖွဲ့ဆီ အလင်းဝင် မြေလတ်အသံ၊ ဒီဇင်ဘာ ၂၄၊ ၂၀၂၄။ ဟာသဗီဒီယိုတွေ ရိုက်ကူးလေ့ရှိတာကြောင့် စစ်တပ်အသိုင်းအဝိုင်းမှာ လူသိများခဲ့တဲ့ တပ်ဆယ်လီ ဒုတပ်ကြပ်အဆင့်ရှိ ကိုရာဇာထက်ဟာ CDF Civic Defense Militia-CDM-Siyin အဖွဲ့ဆီအလင်းဝင်လာခဲ့တယ်လို့ အဲ့ဒီအဖွဲ့ရဲ့စစ်ဦးစီး Delroy ဆီက သိရပါတယ်။ ၂၀၂၀ ခုနှစ် နှောင်းပိုင်းကာလမှာ စစ်သင်တန်းတက်ရောက်ခဲ့သူဖြစ်ပြီး အာဏာသိမ်းပြီးနောက်မှာတော့ တီးတိန် ခလရ ၂၆၉ မှာ တာဝန်ကျကာ အဲ့ဒီကမှတဆင့် တမူးဘက်က စခန်းကုန်းတခုမှာ ၂ နှစ်ကျော် တာဝန်ထမ်းဆောင်ဖူးခဲ့တယ်လို့ ဆိုပါတယ်။ မိခင်တပ်ရင်းက အင်အားဖြည့်ပြန်ခေါ်ခဲ့တာကြောင့် တီးတိန် ခလရ ၂၆၉ ကို ပြန်ရောက်ခဲ့ပြီး လပိုင်းအကြာ စက်တင်ဘာလနောက်ဆုံးပတ်မှာတော့ CDF Civic Defense Militia-CDM-Siyin အဖွဲ့နဲ့ ချိတ်ဆက်အလင်းဝင်ဖြစ်ခဲ့တယ်လို့ သိရပါတယ်။ “ကျနော်တို့ကလည်း ဖြစ်နိုင်ရင်တော့ပြန်ပြီးတော့ လက်နက်ကလည်း ကိုင်ချင်တာမဟုတ်ဘူး၊ ဒါပေမယ့် ဒီမှာကလည်း ကိုယ့်ကို ကောင်းကောင်းမွန်မွန်ထားတယ်၊ ညီလို အကိုလိုပဲ ဆက်ဆံပြီးတော့ လွတ်လွတ်လပ်လပ်ပဲနေရတာပဲဆိုတော့ တကယ်လို့ ဖြစ်လာရင်တောင်မှ ကျနော်တို့ဘက်က ဒီဘက်ကနေပြီးတော့ ဝင်တိုက်ပေးဖို့ လက်နှေးနေမှာတော့ မဟုတ်ဘူး။”လို့ ကိုရာဇာထက်က ပြောပါတယ်။ သူဟာ တပ်တွင်းနေထိုင်လှုပ်ရှားပုံတွေကို ဟာသ Video တွေအဖြစ်ရိုက်ကူးပြီး Facebook နဲ့ Youtube မှာဖော်ပြရင်း စစ်တပ်ထောက်ခံသူတွေကြားမှာ လူသိများလာသူလည်းဖြစ်ပါတယ်။ CDF Civic Defense Militia - CDM-Siyin တပ်ဖွဲ့မှာ အလင်းဝင်တဲ့သူ ၁၀ ဦးကျော်ရှိနေပြီး လက်နက်ခဲယမ်းပါ တပါတည်းယူဆောင်လာသူတွေကို ဆုငွေချီးမြှင့်ပေးတာလည်းရှိတဲ့အတွက် နောက်ထပ်အလင်းဝင်လာမယ့်သူတွေအနေနဲ့ လက်နက်တွေပါယူလာကြဖို့ စစ်ဦးစီးက တိုက်တွန်းထားပါတယ်။ “လက်နက်ခဲယမ်းတွေပါလာတယ်ဆိုရင် ကျနော်တို့က တန်ရာတန်ကြေးပေးပါတယ်၊ သူတို့က အဲ့လိုမျိုးမသိဘူး၊ လက်နက်ပါပြီးမှ သူတို့လက်ဆောင်ရတယ်ဆိုတာမသိကြတော့ တချို့ဟာတွေကျ ပါလို့ရရဲ့သားနဲ့ မပါတာရှိတယ်၊ ကျနော်တို့တော်လှန်ရေးတပ်ဖွဲ့တွေကျတော့ လက်နက်က အရေးကြီးတာပေါ့။”လို့ စစ်ဦးစီး Delroy က ပြောပါတယ်။ ဒီဇင်ဘာ ၁၇ ရက်က သေနတ် ၁ လက်၊ လက်ပစ်ဗုံး ၃ လုံး၊ ကျည်တချို့နဲ့အတူ အလင်းဝင်လာခဲ့တဲ့ စစ်ကောင်စီတပ်သား ၁ ဦးကိုလည်း ကျပ်သိန်း ၁၀၀ ဆုချီးမြှင့်ဖို့ စီစဥ်နေတယ်လို့ သိရပါတယ်။ CDF Civic Defense Militia-CDM-Siyin တပ်ဖွဲ့ကတော့ အလင်းဝင်ချင်တဲ့သူတွေအနေနဲ့ ဘယ်နေရာ ဘယ်ဒေသကမဆို အချိန်မရွေးဆက်သွယ်လို့ရပြီး အလင်းဝင်တပ်သားတွေရဲ့ တောင်းဆိုချက်အတိုင်း ဆောင်ရွက်ပေးမှာဖြစ်သလို အလုပ်အကိုင်လိုချင်ရင်လည်း စီစဥ်ဆောင်ရွက်ပေးဖို့ရှိတယ်လို့ စစ်ဦးစီး Delroy က ပြောပါတယ်။ သတင်း - ချယ်ရီ၊ စာတည်း - လင်း၊ တည်းဖြတ် - HP #မြေလတ်အသံ #ရာဇာထက် #တပ်ဆယ်လီ #ဒုတပ်ကြပ် #အလင်းဝင်