Скачать с ютуб Сом білекті, ер жүректі Аэроұтқыр әскерлеріне – 15 жыл в хорошем качестве

Сом білекті, ер жүректі Аэроұтқыр әскерлеріне – 15 жыл

Қазақстан Республикасы Қарулы Күштерінің Аэроұтқыр әскерлерінің құрылғанына 15 жыл толды. Егемен еліміздің азаттығы мен жеріміздің тұтастығын қорғауға жауап беретін ұтқыр әскер Президент Жарлығымен 2000 жылдың 6 шілдесінде құрылған болатын. Ұлан Нарынбек, тілші -«Бізден басқа ешкім емес» деген жалынды сөзді ұран еткен Аэроұтқыр әскерлерінің құрамына қабылдану оңай емес. Бұл жерге сом білекті, ер жүректі жігіттер ғана іріктелініп алынады. Саны аз болса да сапасы мықты, ел тұтастығын қорғауға жауап беретін әрі шапшаң қимылдайтын десантшыларға үлкен міндет жүктелген. Солардың бірі – жау тылында барлау жүргізіп, басқару орталықтарын істен шығару, заңсыз қарулы топтармен күрес жүргізу. Камалхан Сариев, Аэроұтқыр әскерлерінің бөлім басшысы -Аэроұтқыр әскерлері ҚР Жоғарғы қолбасшысының бірінші резерві болып табылады. Сарбаздар бойына қарай, денесіне қарай, спорттық дене-шынықтыру жағынан таңдалады. Бойлары мысалы 180-нен жоғары болу керек. Бүгінгі таңда Аэроұтқыр әскерлері заманға сай қару-жарақпен және әскери техникамен жабдықталған. Мысалы дөңгелекті техника, байланыс құралдары жылдан-жылға жаңарып келеді. Ал ұшқышсыз ұшатын аппарат барлаушылардың мүмкіндігін кеңейтіп отыр. Дәулет Оспанов, Аэроұтқыр әскерлерінің қолбасшысы -Аэроұтқыр күштерінің құрамы үлкейіп, қазір 12 бөлім болды. Өз артиллериясы, өз тыл және техникалық қамтамасыз ету бригадасы бар. Жеке байланыс бригадасы, жеке барлау полкі бар. Аэроұтқыр күштері өте күшті дамыған әскери бөлім болып саналып тұр қазір. Әскери бөлімшеге балалар көп жиналды. Сарбаз ағаларының өнерін тамашалаған олар болашақта десантшы болатындарын айтады. 15 жылдыққа арналған салтанатты жиын мерекелік концертпен аяқталды. Авторлары: Ұлан Нарынбек, Кенже Әмреев