Скачать с ютуб សម្តេចតេជោ ប្រាប់សមាជិកព្រឹទ្ធសភាបក្សប្រឆាំង៖ យើងមិនចាំបាច់មានទស្សនៈដូចគ្នាទាំងស្រុងទេ... в хорошем качестве

សម្តេចតេជោ ប្រាប់សមាជិកព្រឹទ្ធសភាបក្សប្រឆាំង៖ យើងមិនចាំបាច់មានទស្សនៈដូចគ្នាទាំងស្រុងទេ...

សម្តេចតេជោ ប្រាប់សមាជិកព្រឹទ្ធសភាបក្សប្រឆាំង៖ យើងមិនចាំបាច់មានទស្សនៈដូចគ្នាទាំងស្រុងទេ ប៉ុន្តែត្រូវយល់អ្វីដែលដូចគ្នា និងខុសគ្នា, ដូចគ្នា គឺផលប្រយោជន៍ជាតិ រីឯខុសគ្នា គឺការគិត និងធ្វើសកម្មភាព (ភ្នំពេញ)៖ នៅព្រឹកថ្ងៃចន្ទ ទី២៨ ខែមេសា សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានបក្សប្រជាជនកម្ពុជា បានជួបជាមួយសមាជិកព្រឹទ្ធសភា៣រូបមកពីបក្សឆន្ទៈខ្មែរ ដែលជាបក្សប្រឆាំងនៅកម្ពុជា។ សមាជិកព្រឹទ្ធសភាមកពីបក្សឆន្ទៈខ្មែរ រួមមាន លោក សុខ ហាច លោក សេង ម៉ារឌី និងលោក គង់ មុនីកា។ សម្តេចតេជោ ហ៊ុន សែន បានគូសបញ្ជាក់ក្នុងជំនួបជាមួយសមាជិកព្រឹទ្ធសភាមកពីបក្សឆន្ទៈខ្មែរថា យើងមិនចាំបាច់មានទស្សនៈដូចគ្នាទាំងស្រុងទេ។ ក្នុងបក្សមួយ ឬក្នុងគ្រួសារមួយ មិនអាចមានទស្សនៈដូចគ្នាទាំងស្រុងនោះទេ ក៏ប៉ុន្តែយើងត្រូវយល់អ្វីដែលដូចគ្នា និងខុសគ្នា។ ដូចគ្នា គឺផលប្រយោជន៍ជាតិ រីឯខុសគ្នា គឺការគិត និងធ្វើសកម្មភាពខុសគ្នា គឺជារឿងធម្មតា។ សម្តេចតេជោ បានបន្ថែមថា យើងបន្តដំណើរជាមួយគ្នា នៅក្នុងព្រឹទ្ធសភាពហុបក្ស ក្រោមម្លប់នៃសន្តិភាព និងស្ថិរភាពនយោបាយ។ យើងប្រឹងមួយដង្ហើមទៀត ពីពេលនេះ ទៅឆ្នាំ២០២៩ ក្នុងការចាកចេញពីលក្ខន្តិកៈប្រទេសអភិវឌ្ឍន៍តិចតួច (LDC) និងឈានដល់ប្រទេសចំណូលមធ្យមកម្រិតខ្ពស់ នៅឆ្នាំ២០៣០៕